Veldtog Afrikaans
Veldtog Afrikaans is ’n bemarkingsveldtog wat op 26 Mei 2016 van stapel gestuur is[1] as deel van die Dagbreek Trust se aksies. Die veldtog se doel is om die Afrikaanse taal te bevorder en as ’n handelsmerk te vestig.[2] Die veldtog bestaan hoofsaaklik uit ’n mediaveldtog wat gebruik maak van radio-, TV-, en buitelugadvertensies om bewustheid te skep vir die groot aantal Afrikaanssprekendes en mense wat dit geniet om Afrikaans te praat. Die advertensies spoor die publiek aan om na die webtuiste Afrikaans.com te gaan wat vir lesers meer inligting bied oor die veldtog.
Afrikaans.com wysig
’n Webwerf met die naam Afrikaans.com is reeds geskep en is as die kernelement van die veldtog beskryf deur dr. Theuns Eloff, voorsitter van die Dagbreek Trust. Die webwerf dien as 'n hulpbron vir Veldtog Afrikaans en dien as die platform vir kompetisies en ander veldtogte wat die positiewe bemarking van Afrikaans in die oog het.
|
afrikaans.com wil nie net die voortou neem met die skep van ’n aanlynbeweging wat Afrikaans positief bemark en beïnvloed nie, dit wil ’n persoonlike verwysingsraamwerk van inligting, vermaak en opvoeding vir die gebruiker wees wat ten alle tye toeganklik is, waar gebruikers ook al beweeg — Theuns Eloff
|
|
Verwysings wysig
- ↑ afrikaans.com. ""Afrikaans kry 'n holte vir haar voet."". Geargiveer vanaf die oorspronklike op 27 September 2018. Besoek op 29 Junie 2017.
- ↑ Rekord Centurion. ""Trust gestig om Afrikaans 'vlerke te gee'"". Geargiveer vanaf die oorspronklike op 1 Junie 2020. Besoek op 29 Junie 2017.
 | Hierdie artikel oor 'n taal, taalgroep of taalfamilie is slegs 'n saadjie. Jy kan help deur dit uit te brei. |