Verstuiwing
Verstuiwing (Engels: sputtering) is in fisika ’n verskynsel waar mikroskopiese deeltjies van ’n soliede materiaal van sy oppervlak weggewerp word nadat die materiaal self gebombardeer is deur energieke deeltjies van ’n plasma of gas.[1] Dit kom natuurlik in die ruimte voor en kan ’n onwelkome bron van verwering in presisiekomponente wees.
Die feit dat dit ingespan kan word om uiters dun lae op materiaal aan te bring, word egter in die wetenskap en nywerheid gebruik – daar word dit aangewend vir presisie-etswerk en as ’n tegniek van fisiese gasfaseafskeiding[2] om dun lae aan te bring vir meganiese, optiese, chemiese of elektroniese funksies, soos in die vervaardiging van byvoorbeeld sonbrille, sonselle, CD's en DVD's.
Verwysings
wysig- ↑ R. Behrisch (red.) (1981). Sputtering by Particle bombardment. Springer, Berlin. ISBN 978-3-540-10521-3.
- ↑ http://www.semicore.com/news/94-what-is-dc-sputtering
Skakels
wysig
Wikimedia Commons het meer media in die kategorie Verstuiwing.
Hierdie artikel is in sy geheel of gedeeltelik uit die Engelse Wikipedia vertaal.
