Wikipedia

Viktor Orbán

Viktor Mihály Orbán (Hongaars: [ˈviktor ˈorbaːn]; gebore 31 Mei 1963) is 'n Hongaarse politikus en juris. Hy dien sedert 2010 as die eerste minister van Hongarye. Hy het hierdie amp ook van 1998 tot 2002 bekleë. Hy was van 1993 tot 2000 en is sedert 2003 die leier van die nasionaalkonserwatiewe Fidesz-party. Op 19 November 2016 het hy István Bethlen as die langsdienende eerste minister in Hongaarse geskiedenis verbygesteek.

Viktor Mihály Orbán
Viktor Orbán
Viktor Orbán in 2018
Ampsbekleër
Termynaanvang
29 Mei 2010
Vise Tibor Navracsics
Zsolt Semjén
President László Sólyom
Pál Schmitt
László Kövér (waarnemend)
János Áder
Katalin Novák
Voorafgegaan deur Gordon Bajnai
Lid van die Nasionale Vergadering
Ampsbekleër
Termynaanvang
2 Mei 1990
Persoonlike besonderhede
Gebore 31 Mei 1963 (1963-05-31) (61 jaar oud)
Székesfehérvár, Hongarye
Politieke party Fidesz
Eggenoot/-note Anikó Lévai (trou 1986)
Kind(ers) Page Sjabloon:Hlist/styles.css has no content.
  • Ráhel
  • Gáspár
  • Sára
  • Róza
  • Flóra
Alma mater Universiteit Eötvös Loránd
Pembroke College, Oxford
Handtekening

Op 3 April 2022 is Orbán vir 'n verdere termyn verkies in Hongarye se algemene verkiesing. Dit sal sy vierde agtereenvolgende termyn as Eerste Minister van Hongarye wees.[1] Orbán se party, Fidesz, sal danksy die oorwinning 'n tweederde meerderheid in die parlement hê, met 135 setels vergeleke met die opposisie alliansie se 56 setels. Dit is ook Fidesz se vierde agtereenvolgende oorwinning sedert 2010.[2]

Vroeë lewe

wysig

Orbán is op 31 Mei 1963 in Székesfehérvár in 'n landelike middelklas gesin gebore as die oudste seun van die landboukundige en sakeman Győző Orbán (gebore 1940)[3] en die spesiale opvoeder en spraakterapeut, Erzsébet Sípos (gebore 1944).[4] Hy het twee jonger broers, albei sakemanne, Győző jr. (gebore 1965) en Áron (gebore 1977). Sy oupa aan vaderskant, Mihály Orbán, het boerdery en veeteelt beoefen. Orbán het sy kinderjare in twee nabygeleë dorpe, Alcsútdoboz en Felcsút in die Fejér-distrik, deurgebring;[5] hy het skool daar en in Vértesacsa bygewoon.[6][7] In 1977 het sy gesin permanent na Székesfehérvár verhuis.[8] Op die ouderdom van 14 en 15, terwyl hy by sy sekondêre skool was, was hy sekretaris van die kommunistiese jeugorganisasie, KISZ, waarvan die lidmaatskap verpligtend was om aan 'n universiteit te kan inskryf.[9][10]

Orbán het in 1981 van die Blanka Teleki Hoërskool in Székesfehérvár, waar hy Engels gestudeer het, gematrikuleer. Hy het toe twee jaar militêre diens voltooi.[11] Hy het later in 'n onderhoud gesê dat hy homself voor hierdie tyd as 'n "naïewe en toegewyde ondersteuner" van die kommunistiese bewind beskou het, maar tydens sy militêre diens het sy politieke sieninge radikaal verander.[12]

Daarna, in 1983, het Orbán regte aan die Universiteit Eötvös Loránd in Boedapest gaan studeer. Hy het sy tesis oor die Poolse Solidariteitbeweging geskryf.[11] Na die verkryging van sy doktorsgraad in die regte[13] in 1987,[14][15] het hy twee jaar lank in Szolnok gewoon, terwyl hy na sy werk in Boedapest as sosioloog by die Bestuursopleidingsinstituut van die Departement van Landbou en Voedsel gependel het.[16]

In 1989 het Orbán 'n beurs van die Soros-stigting ontvang om politieke wetenskap aan Pembroke College, Oxford, te studeer.[7] Sy persoonlike tutor was die Hegeliaanse politieke filosoof Zbigniew Pełczyński.[17] In Januarie 1990 het hy Oxford verlaat en na Hongarye teruggekeer om vir 'n setel in Hongarye se eerste post-kommunistiese parlement te staan.[18]

Bibliografie

wysig
  • Bell, Imogen (2003). Central and South-Eastern Europe 2004. Routledge. ISBN 978-1857431865.
  • Fabry, Adam. "Neoliberalism, crisis and authoritarian–ethnicist reaction: The ascendancy of the Orbán regime." Competition & Change 23.2 (2019): 165–191. online[dooie skakel]
  • Lendvai, Paul (2017). Orbán: Hungary's Strongman. Drukpers van die Universiteit van Oxford. ISBN 978-0190874865.
  • Martens, Wilfried (2009). Europe: I Struggle, I Overcome. Springer. ISBN 978-3540892885.
  • Metz, Rudolf, and Daniel Oross. "Strong Personalities’ Impact on Hungarian Party Politics: Viktor Orbán and Gábor Vona." in Party Leaders in Eastern Europe (Palgrave Macmillan, Cham, 2020) pp. 145–170. doi:10.1007/978-3-030-32025-6_7
  • Rydliński, Bartosz. "Viktor Orbán–First among Illiberals? Hungarian and Polish Steps towards Populist Democracy." Online Journal Modelling the New Europe 26 (2018): 95–107. online[dooie skakel]
  • Szikra D. "Democracy and welfare in hard times: the social policy of the Orban Government in Hungary between 2010 and 2014" Journal of European Social Policy (2014) 24(5): 486–500.
  • Szilágyi, Anna, and András Bozóki. "Playing it again in post-communism: the revolutionary rhetoric of Viktor Orbán in Hungary." Advances in the History of Rhetoric 18.sup1 (2015): S153–S166. online
  • Toomey, Michael. "History, nationalism and democracy: myth and narrative in Viktor Orbán's ‘illiberal Hungary’." New Perspectives. Interdisciplinary Journal of Central & East European Politics and International Relations 26.1 (2018): 87–108 online[dooie skakel].

Verwysings

wysig
  1. ↑ https://www.zerohedge.com/geopolitical/will-viktor-orban-bring-down-house-davos-built
  2. ↑ https://www.bbc.com/news/world-europe-60981648
  3. ↑ A Közgép is hizlalhatja Orbán Győző cégét, Heti Világgazdaság, 11 Julie 2012.
  4. ↑ "Erzsébet Sípos". Geni.com. Besoek op 19 Maart 2019.
  5. ↑ Lendvai 2017, pp. 11–12.
  6. ↑ Pünkösti, Árpád (13 Mei 2000). "Szeplőtelen fogantatás 7". Népszabadság (in Hongaars). Besoek op 19 Maart 2019.
  7. ↑ 7,0 7,1 (in hu) Orbán Viktor, Hongarye: arlament, 1996, http://www.parlament.hu/kepviselo/elet/o320.htm 
  8. ↑ Lendvai 2017, pp. 14, 265.
  9. ↑ Pünkösti Árpád: Szeplőtelen fogantatás. Népszabadság Könyvek, Boedapest, 2005, pp. 138–139.
  10. ↑ Debreczeni, József (2002) (in hu), Orbán Viktor, Boedapest: Osiris 
  11. ↑ 11,0 11,1 Kenney, Padraic (2002). A Carnival of Revolution: Central Europe 1989. Princeton: Drukpers van Princeton-universiteit. p. 138. ISBN 0-691-05028-7.
  12. ↑ Debreczeni, József: Orbán Viktor, Osiris Kiadó, Boedapest, 2002.
  13. ↑ Regsfakulteit - webwerf van die Universiteit Eötvös Loránd
  14. ↑ Curriculum vitae of Viktor Orbán - website of the Hungarian government
  15. ↑ Dr. Orbán Viktor - website of the Hungarian parliament
  16. ↑ (in hu) Orbán Viktor, Hongarye: National Assembly, http://www.parlament.hu/kepv/eletrajz/hu/o320.pdf 
  17. ↑ Fulbright report, Oxford, Verenigde Koninkryk, archived from the original on 15 Desember 2014, https://web.archive.org/web/20141215035740/http://files.www.rhodesscholarshiptrust.com/Fulbright_report.pdf, besoek op 18 Desember 2023 
  18. ↑ Lendvai 2017, p. 23.
Party-politieke poste
Nuwe pos Leier van Fidesz in die Nasionale Vergadering
1990–1993 		Opgevolg deur
László Kövér
President van Fidesz
1993–2000
Voorafgegaan deur
János Áder 		President van Fidesz
2003–hede 		Sittend
Politieke poste
Voorafgegaan deur
Gyula Horn 		Eerste minister van Hongarye
1998–2002 		Opgevolg deur
Péter Medgyessy
Voorafgegaan deur
Gordon Bajnai 		Eerste minister van Hongarye
2010–hede 		Sittend
Ontsluit van "https://af.wikipedia.org/w/index.php?title=Viktor_Orbán&oldid=2677670"