Villiersdorp-tolbos
Die Villiersdorp-tolbos (Leucadendron comosum subsp. homaeophyllum) is 'n blomdraende struik en subspesie van Leucadendron comosum, wat tot die genus Leucadendron behoort en deel van die fynbos-bioom vorm. Die plant is endemies aan die Wes-Kaap waar dit voorkom in die Stettynskloofberge en Du Toitskloofberge. Die struik was as uitgesterf beskou maar herontdek in 2002.
| Villiersdorp-tolbos | |
|---|---|
| Wetenskaplike klassifikasie | |
| Koninkryk: | |
| (geen rang): | |
| (geen rang): | |
| Orde: | |
| Familie: | |
| Genus: | |
| Spesie: | L. comosum
|
| Subspesie: | L. c. subsp. homaeophyllum
|
| Trinomiale naam | |
| Leucadendron comosum subsp. homaeophyllum (Meisn.) I.Williams, 1972
| |
Die struik word tot 1,7 m hoog en vrek nadat dit gebrand het maar die sade oorleef. Die struik blom in Desember. Die sade word in 'n tol op die vroulike plant geberg en val eers grond toe wanneer die blom ryp geword het en word deur wind versprei, die sade het vlerkies. Die plant is eenslagtig en daar is afsonderlike plante met manlike en vroulike blomme, wat deur klein kewers bestuif word. Die plant groei hoofsaaklik in bergagtige gebiede in sandsteengrond op hoogtes van 600 tot 1 000 m.
In Engels staan dit as die Villiersdorp ridge-cone conebush bekend. Daar is ook 'n ander subspesie: Leucadendron comosum subsp. comosum.