Vlag van Curaçao

Die vlag van Curaçao is op 2 Julie 1984 amptelik in gebruik geneem. Hierdie dag word ook “Dag van de Vlag” genoem. Dit beteken letterlik vlagdag en hierdie dag word gevier op ses voormalige eilande van die Koninkryk van die Nederlande wat aan die Nederlandse Antille behoort het. Dit is ’n vakansiedag waar daar baie amptelike seremonies is en die vlag vertoon word. Die vlag vertoon ’n blou agtergrond met ’n geel horisontale baan in die onderste helfte en twee vyfpuntige wit sterre in die skildhoek.

Vlag van Curaçao

Vlag van Curaçao
Gebruik	Burgerlike- en Staatsvlag
Verhouding	2:3
Goedgekeur	2 Julie 1984
Ontwerp	’n Blou vlag met ’n geel horisontale baan in die onderste helfte en twee vyfpuntige wit sterre in die skildhoek.

Simboliek

Die blou stel die see voor waardeur die eilande omring word asook die blou lug oor die eilande. Die see en lug word deur die son (die geel baan) geskei. Die twee sterre verteenwoordig die twee eilande nl. Curaçao (die groter ster) en die onbewoonde Klein Curaçao (die kleiner ster). Die vyf punte van die sterre stel die vyf kontinente voor waarvandaan die diverse samelewing van Curaçao afkomstig is.

Ontwerp

’n Kompetisie is gereël vir die ontwerp van die vlag wat 1 782 inskrywings ontvang het. Tien ontwerpe is hieruit gekies en deur die vlagkomitee beoordeel. Die wenontwerp was deur Martin den Dulk, wat toe twintig jaar oud was. Hy het 'n vlag ontwerp wat nie net as ’n simbool vir die eiland herkenbaar is nie, maar terselfdertyd só eenvoudig is dat dit deur kinders geteken kan word.

Eksterne skakels

• (en) Curaçao by Flags of the World.
• (en) "Flag of Curaçao". Encyclopædia Britannica. Besoek op 21 Mei 2019.

Hierdie artikel is in sy geheel of gedeeltelik vanuit die Engelse Wikipedia vertaal.