Vlag van Tonga

Die nasionale vlag van Tonga is op 4 November 1875 amptelik in gebruik geneem. Die vlag vertoon ’n enkele rooi baan met ’n wit skildhoek en ’n rooi kruismotief daarbinne.

Vlag van Tonga

Vlag van Tonga
Gebruik	Nasionale vlag en Burgerlike- en Staatsvaandel
Verhouding	1:2
Goedgekeur	4 November 1875
Ontwerp	’n Enkele rooi baan met ’n wit skildhoek en ’n rooi kruismotief daarbinne.

Simboliek

Die drie sterre in die koninklike standaard stel die gesamentlike hoof-eilandgroepe in Tonga voor. Die kroon stel doe koningskap voor, die duif stel vrede voor en die drie gekruisde swaarde stel die drie dinastieë van Tonga voor.

Geskiedenis

Die vlag van Tonga was oorspronklik wit met ’n rooi kruis in die middel, soortgelyk aan die vlag van die Rooi Kruis. Omdat die twee vlae identies was is in 1866 besluit om die kruis te skuif na die skildhoek. Die vlag is geskoei op die Britse rooi vaandel. Dit is vooraf, in 1962, goedgekeur deur koning George Tupou I voor die eerste Parlement van Tonga. Na ’n lang bespreking het die koning die volgende gesê oor die voorstel:

“Dit is my wens dat ons vlag die kruis van Jasus bevat omdat Hy ons gered het deur sy offer aan die kruis op Golgota. Elke Tongaan moet die kruis onthou en die kleur van die vlag moet rooi wees om die bloed te verteenwoordig wat gestort is vir ons redding.”

Die Grondwet van 1875 maak dit duidelik dat “die vlag van Tonga nooit verander mag word nie, maar dat dit altyd die vlag van die koninkryk sal wees”.

Op 13 September 1985 het Tonga ’n vlootvaandel gekry.

Ander vlae

• 
  Vlootvaandel van Tonga
• 
  Koninklike standaard van Tonga

Eksterne skakels

• (en) Tonga by Flags of the World.
• (en) "Flag of Tonga". Encyclopædia Britannica. Besoek op 15 Mei 2019.