Vlag van die Salomonseilande

Die nasionale vlag van die Salomonseilande is op 18 November 1977 in gebruik geneem. Die vlag vertoon ’n geel diagonale baan onder aan die vlagpaalkant na bo aan die wapperkant met ’n blou driehoek aan die vlagpaalkant en vyf wit sterre in die skildhoek en ’n groen driehoek op die wapperkant.

Vlag van die Salomonseilande

Vlag van die Salomonseilande
Gebruik	Nasionale vlag
Verhouding	1:2
Goedgekeur	18 November 1977
Ontwerp	’n Geel diagonale baan onder aan die vlagpaalkant na bo aan die wapperkant met ’n blou driehoek aan die vlagpaalkant en vyf wit sterre in die skildhoek en ’n groen driehoek op die wapperkant.

Simboliek

Die vyf hoofeilandgroepe word deur die vyf sterre verteenwoordig. Die blou stel die omringende oseaan voor, die groen stel die land voor en die geel stel sonskyn voor.

Ander vlae

Die burgerlike vaandel (vir handelskepe) en staatsvaandel (vir nie-militêre regeringsvaartuie) is rooi en blou vlae onderskeidelik, met die nasionale vlag in die skildhoek.

Die vlootvaandel (vir polisievaartuie) is gebaseer op die Britse wit vaandel, 'n rooi Sint Joriskruis op 'n wit veld, met die nasionale vlag in die skildhoek.

• 
  Vlag van die Brits-Salomonseilandeprotektoraat, 1956 tot 1966
• 
  Burgerlike vaandel van die Salomonseilande
• 
  Regeringsvaandel van die Salomonseilande
• 
  Vlootvaandel van die Salomonseilande
• 
  Doeanevaandel van die Salomonseilande

Eksterne skakels

• (en) Salomonseilande by Flags of the World.
• (en) "Flag of the Solomon Islands". Encyclopædia Britannica. Besoek op 15 Mei 2019.