Vleiland

Gebied wat met water versadig is

'n Vleiland is 'n gebied wat met water versadig is, hetsy permanent of seisoenaal, sodanig dat dit 'n duidelik identifiseerbare ekosisteem vorm.[1] Vleilande word van ander landvorme onderskei deur die unieke grondeienskappe en plantegroei. Vleilande lok gewoonlik 'n groot aantal voëls, amfibieë en ander roofdiere.

'n Vleiland in die Amerikaanse staat Illinois.
Vleiland Passewaaij in Tiel, Gelderland.

'n Vleiland kan moerasagtig wees, maar alle vleilande is nie noodwendig moerasagtig nie. Vleilande kan volgens seisoen afwisselend nat of droog wees.

Verskeie vleilande reg oor die wêreld word onder die Ramsar-konvensie en die AEWA-verdrag beskerm.

Voorbeelde wysig

Die grootste vleilande sluit in die moeraswoude van die Amasonerivierkom, die vleilande van die Wes-Siberiese Vlakte, die Pantanal in Suid-Amerika, en die Sundarbans in die Ganges-Brahmaputra-delta.

Vleilande word ook regdeur die Verenigde State aangetref. Diverse regering en private herstelprojekte vind elke jaar in verskeie state plaas.[2][3]

Verwysings wysig

  1. Mitsch & Gosselink, 1986
  2. Shaw, Samuel (1971). "Wetlands of the United States" (PDF). United States Department of the Interior Fish and Wildlife Service. Circular 39: 68.
  3. "Wetlands of the United States". NEEF (in Engels). Besoek op 4 Oktober 2021.

Eksterne skakels wysig