Voorbode

'n Voorbode (ook genoem 'n omen of voorteken) is 'n fenomeen wat na iemand se oortuiging die toekoms sou voorspel, en dikwels die aanbreek van verandering sou aandui. Alhoewel die woord "voorbode" gewoonlik ontdaan is van 'n implikasie van die aard van die verandering, en gevolglik 'n "goeie" of "slegte" uitkoms kon aandui, word die term meer dikwels in 'n behoedende of onheilspellende hoedanigheid gebruik.

Voorbeelde van voorbodes in die Nürenbergkroniek (1493): natuurfenomene en afwykende geboortes

Antieke Rome

Antieke Romeinse religie het twee onderskeibare soorte wiggelaars as ampsdraers gehad. Die augurs het die vlug van voëls uitgelê, terwyl die haruspeks staatgemaak het op diereofferhandes, ten einde die karkas se binnegoed te bekom, wat vir wiggelary aangewend is.

Sien ook

• Waarsêery