Vulkanus (hipotetiese planeet)

Vulkanus (Engels: Vulcan) is 'n fiktiewe planeet wat deur die Star Trek-films en -reekse gewild gemaak is. Volgens die storielyn word die planeet Vulcan deur 'n buiteaardse ras, bekend as die Vulcans, bewoon (Spock kom van daar). Die planeet het sy ontstaan te danke aan vroeëre spekulasie dat die verskuiwing van Mercurius se perihelium deur 'n verskuilde planeet veroorsaak word.

Mercurius se perihelium skuif geleidelik aan. Aanvanklik is vermoed dit is vanweë die invloed van 'n planeet wat agter Mercurius skuil.

Spock van Star Trek.

Mercurius is die planeet naaste aan die Son en het ’n elliptiese baan om die son. Wanneer Mercurius die naaste aan die Son is (met sy perihelium), is dit 46 miljoen km van die Son af.

In die 1850’s is bepaal Mercurius se perihelium skuif elke eeu aan (’n mens noem dit presessie). Die grootste gedeelte van hierdie aanskuiwing is in die 1850’s verklaar aan die hand van die invloed van die gravitasie van ander planete. Daar was egter 43 boogsekondes wat nie verklaar kon word met Newton se wette nie. Dus het die wiskunde nie geklop met wat waargeneem is nie. Op daardie stadium was die beste verduideliking dat daar meer massa is as wat waargeneem kan word.

’n Hipotese het ontstaan dat 'n ander planeet agter Mercurius skuil wat hierdie materie verskaf. Dié hipotetiese planeet is Vulkanus gedoop.

In 1915 het Einstein egter hierdie probleem opgelos met sy algemene relatiwiteitsteorie. Sy nuwe berekening, wat relatiwiteit gebruik het, het ooreengestem met wat waargeneem is. Dus het die hipotetiese planeet Vulkanus oorbodig geraak. Dit is in elk geval nooit ontdek nie.