Wendiceratops
| Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Wendiceratops is ’n genus van plantvretende seratopsiërs (dinosourusse met horinggesigte) uit Kanada uit die Laat Krytperiode.[1]
| Wendiceratops | |
|---|---|
| |
| ’n Voorstelling van ’n Wendiceratops. | |
| Wetenskaplike klassifikasie | |
| Koninkryk: | |
| Filum: | |
| Orde: | |
| Familie: | |
| Subfamilie: | |
| Genus: | Wendiceratops Evans & Ryan, 2015
|
| Tipespesie | |
| † Wendiceratops pinhornensis Evans & Ryan, 2015
| |
Die Kanadese fossielsoeker Wendy Sloboba het in 2010 seratopsiër-bene in die Pinhorn Provinsiale Reserwe in Alberta, Kanada, ontdek. In 2011 het ’n span van die Koninklike Tyrrell-museum die terrein begin opgrawe en in 2013 en 2014 nog talle fossiele gevind.[1]
David Evans en Michael Ryan het die tipe-spesie in 2015 beskryf en die naam Wendiceratops pinhornensis gegee. Die genusnaam verwys na Wendy Sloboda en die spesienaam na die Pinhorn-reservaat. Wendiceratops was die tweede seratopsiër wat in 2015 ontdek en ’n naam gegee is.[2]
Die holotipe, TMP 2011.051.0009, is in ’n gesteentelaag gevind wat moontlik tussen 79 miljoen en 78,7 miljoen jaar oud is. Onder die aanname dat al die bene wat gevind is tot dieselfde spesie behoort, word al die bene beskou as dié van Wendiceratops pinhornensis – daar is altesaam 184 bene wat aan verskeie individue behoort het, insluitende onvolwasse diere. Die vonds bevat bene van onder meer die skedel, onderkake, ruggraat, skouers, pelvis en ledemate.
Beskrywing
wysigWendiceratops het sowat ’n ton geweeg en was sowat ses meter lank. [2]
Dit het twee unieke kenmerke gehad: aan die agterkant van die skedel is dik velverhardings wat ’n nekskild met ’n breë basis vorm wat vorentoe tot oor die wangbene buig.[1] Daarbenewens het die agterrand van die nekskild nie ’n lang, vertikale stekel nie en die neushoring steek reguit na bo uit.[1]
Verwysings
wysig- ↑ 1,0 1,1 1,2 1,3 Evans, David C.; Ryan, Michael J. (2015). "Cranial Anatomy of Wendiceratops pinhornensis gen. et sp. nov., a Centrosaurine Ceratopsid (Dinosauria: Ornithischia) from the Oldman Formation (Campanian), Alberta, Canada, and the Evolution of Ceratopsid Nasal Ornamentation". PLOS ONE. 10 (7): e0130007. doi:10.1371/journal.pone.0130007.
- ↑ 2,0 2,1 http://www.nbcnews.com/science/weird-science/wendiceratops-horned-dinosaur-fossil-adds-evolutionary-hook-n388786
Eksterne skakels
wysig
Hierdie artikel is vertaal uit die Engelse Wikipedia
