Witlyfvlermuis

Die Witlyfvlermuis (Taphozous mauritianus) kom in die kusgebiede van Suid-Afrika, die Krugerwildtuin, Mosambiek, Zimbabwe tot by die Okavango Delta voor en is 'n insekvretende vlermuis.

Witlyfvlermuis
Bewaringstatus
Veilig  (IUCN 3.1)
Wetenskaplike klassifikasie
Koninkryk:	Animalia
Filum:	Chordata
Klas:	Mammalia
Orde:	Chiroptera
Familie:	Emballonuridae
Genus:	Taphozous
Spesie:	T. mauritianus
Binomiale naam
Taphozous mauritianus É. Geoffroy, 1818

Voorkoms

Die vlermuis is grys met fyn spikkels en die onderkant is wit. Die wit gaan oor op die vlerk en die stertmembraan. Die soogdier word tot 11 cm lank en weeg ±28g.

Habitat en gewoontes

Hulle hou in pare en rus bedags teen vertikale boomstamme of rotswande. Hulle verkies oop boomveld en eet insekte. Een kleintjie word in die somer gebore.

Sien ook

• Lys van Suider-Afrikaanse soogdiere
• Lys van Suider-Afrikaanse soogdiere volgens wetenskaplike name
• Suider-Afrikaanse soogdiere en hul ordes

Bron

• Die Soogdiergids van Suider-Afrika. Burger Cillié. 2009. ISBN 978-1-875093-46-5