Wondergat
Die Wondergat is ‘n kalksteengrot in die Richtersveld.
Hierdie grot is op ‘n afgeleë koppie naby Anniesfontein en ‘n 5km suid van die Oranjerivier. Deur die aanhoudende oplossing van die kalksteen het die dak van die grot metterjare ingestort en ‘n bek van ongeveer 4m in deursnee gevorm.
Ernest Heyes het in 1925 die spelonk ondersoek. Met ‘n windas en ‘n draad is hy in die donkerte vir ‘n 20m laat afsak. Het het slegs vlermuise teengekom. In Augustus 1947 het die polisie ‘n konstabel in die grot laat afdaal om getuienis teen diamantsmokkelaars in te win. Dit was tevergeefs, want die konstabel het ook slegs vlermuise en baie bedompige lug gerapporteer.
Die Nama glo die Wondergat is die blyplek van hul godheid Heitsi-eibib en dat hy daar waghou oor sy kosbaarhede. Daarom het die plaaslike bevolking uit ontsag ver van die grot weggebly. Hulle glo enige mens wat sou probeer om die grot binne te gaan gou sou sterf.
Soortgelyke gate in kalksteenrots is onder andere die Molopo Oog by Lichtenburg en Mafikeng en die Otjikotomeer en die Guinasmeer noordwes van Tsumeb.
Bibliografie
wysig- Clement, J.: SA's Loch Ness Monster. In: Lantern. Tydskrif vir Kennis en Kultuur. Jaargang 33, nr. 1, Januarie 1984
- Green, Lawrence G.: To the River’s End. Kaapstad: Howard B. Timmins, ongedateerd
- Rosenthal, Eric: Ensiklopedie van Suidelike Afrika. Londen: Warne, 1967