Wsewolod I van Kiëf

Wsewolod I (Russies: Всеволод I Ярославич; 1030 – 13 April 1093) het van 1078 tot met sy dood as grootprins oor Kiëf-Roes regeer.

Wsewolod I
Grootprins van Kiëf
Periode	1078–1093
Voorganger	Swjatoslaf II
Opvolger	Swjatopolk II
Huis	Rjoerik
Vrou	Anastasia, onbekende prinses
Kinders	Wladimir Monomach, Rostislaf, Ewpraksia, Katharina, Maria, Anna
Vader	Jaroslaf die Wyse
Moeder	Irene
Gebore	1030
Oorlede	13 April 1093

Die Kiëfse hof ten tye van Wsewolod I se bewind.

Hy was die vierde en gunsteling-seun van Jaroslaf die Wyse. Om die wapenstilstand met Bisantium in 1046 te verseël, het sy pa hom laat trou met Anastasia, die dogter van keiser Konstantyn IX Monomachos. Uit die huwelik is een kind gebore: Wladimir Monomach.

Ná die dood van sy pa in 1054 het hy ’n soort driemanskap saam met sy broers, Isjaslaf en Swjatoslaf, gevorm wat saam oor Kiëf-Roes regeer het.

Ná die dood van sy broer Swjatoslaf sou Wsewolod die troon bestyg, maar hy het dit afgestaan aan sy ouer broer, Isjaslaf. Toe dié twee jaar later sterf, het Wsewolod grootprins van Kiëf geword.

Kinders

Wsewolod het by sy eerste vrou een kind gehad:

• Wladimir Monomach

By sy tweede vrou het hy vyf kinders gehad:

• Rostislaf
• Ewpraksia
• Katharina
• Maria
• Anna

Verwysings

Hierdie artikel is merendeels vertaal vanaf die Nederlandse Wikipedia-artikel nl:Vsevolod I van Kiev