Yushio-klas duikboot

submarine class
Subklas van	Duikboot
Kort naam	Yūshio
NAVO-kodenaam	SSK Yushio
Voorafgegaan deur	Uzushio-class submarine
Opgevolg deur	Harushio-klas duikboot
Land van oorsprong	Japan
Operateur	Japan Maritime Self-Defense Force
Vervaardiger	Mitsubishi Heavy Industries

Die Yushio-klas duikboot is 'n konvensionele diesel-elektriesaangedrewe duikboot van die Japannese Maritieme Selfverdedigingsmag (Japannese Vloot). Vanaf die laat 1960's het Japan 'n vloot van sestien duikbote bedryf. Japan het baie ontwikkelingswerk en eksperimente met hulle duikbootvloot gedoen. Die Yushio-klas is een van hul grootste klasse en is volgens die traandruppelontwerp gebou. Hierdie klas is in 1975 in diens gestel. Daar is tien duikbote in die klas gebou. Hulle is ook almal reeds uit diens onttrek en vervang met die Harushio-klas.

Elke eenheid afgelewer was beter as die vorige een; dit is duidelik uit die koste van die duikbote. Die eerste model het 23 724 000 000 jen gekos, die laaste een was 31 950 000 000 jen. Van die verbeteringe is die vermoë om die Harpoon-missiel te lanseer en later is die navigasiebeheerstelsel verbeter. Die duikbote is later met 'n sewelemskroef voorsien om dit stiller te maak. Al die verbeteringe het tot gevolg gehad dat die duikboot 406 ton meer geweeg het.

Tegniese besonderhede

Besonderhede van die Yushio-klas duikboot:
Item	Statistiek
Verplasing (oppervlak)	2 463 metrieke ton
Verplasing (onderwater)	2 830 metrieke ton
Lengte	76 m
Breedte	9,9 m
Aandrywing	Dieselenjin 2,535 kW Elektriese motor 5 369 kW
Spoed (oppervlak)	12,0 knope
Spoed (onderwater)	20,0 knope
Bemanning	75 persone
Wapens	6 x HU-603 torpedobuise dubbel gebruik saam met Harpoon-missiele

Galery

Akishio foto's
Akishio te JMSDF Kure Museum
Akishio te JMSDF Kure Museum
Gang

Bron

The Illustrated Encyclopedia Of Destroyers Frigates & Submarines, Bernard Ireland en John Parker, 2015, ISBN 978-0-85723-601-2

Eksterne skakels

Wikimedia Commons het meer media in die kategorie Yushio-klas duikboot.