Zamiaceae
Zamiaceae is 'n broodboomfamilie wat tot die orde Cycadales hoort. Die broodboomorde het reeds 235 tot 65 miljoen jaar gelede gefloreer. Wêreldwyd hoort daar 150 spesies tot die familie waarvan 40 in Suider-Afrika voorkom en 35 daarvan is bome.
| Zamiaceae | |
|---|---|
| |
| Encephalartos lebomboensis | |
| Wetenskaplike klassifikasie | |
| Koninkryk: | |
| Divisie: | |
| Klas: | |
| Orde: | |
| Familie: | Zamiaceae Horan.
|
| Genera | |
KenmerkeWysig
Slegs die genus Encephalartos kom in Suid-Afrika voor. Dit omvat 68 spesies waarvan 17 boomgrootte bereik. Dié familie kry sy naam omrede die murg in die stamme van die meeste broodbome stysel van hoë gehalte lewer wat tot meel verwerk en brood daarmee gebak kan word.
Die krone van die bome bestaan uit groot, palmagtige blare en die bome word met boomvarings verwar. Broodbome produseer keëls in plaas van blomme. Die manlike en vroulike keël is op afsonderlike planteksemplare. Die sade is groot en langwerpig met 'n vlesige bedekking wat dikwels heldergeel, oranje of rooi kan wees. Die sade van sommige spesies is giftig.
BewaringWysig
Broodbome is waardevolle versamelitems en dié bome wat in die natuur voorkom word almal streng bewaar. Ongelukkig verplant die bome maklik en word gereeld gesteel.
FotogaleryWysig
Sien ookWysig
| Wikimedia Commons bevat media in verband met Zamiaceae. |
BronneWysig
- Algemene gids tot BOME. Keith, Paul & Meg Coates Palgrave. 2000. ISBN 1-86872-527-8
- Watter Boom is dit? Eugene Moll 2013 ISBN 978 1 77007 832 1
