Zanne Stapelberg
Zanne Stapelberg (12 Augustus 1977) is 'n Suid-Afrikaanse musikant.[2]
Zanne Stapelberg | |
|---|---|
| Gebore | 12 Augustus 1977 Bellville, Wes-Kaap , Suid-Afrika |
| Beroep(e) | Operasanger |
Biografie
wysigZanne Stapelberg is in 1977 in Bellville, Wes-Kaap gebore, en het in die voorstad Durbanville grootgeword. Sy het aan die Hoërskool Durbanville gematrikuleer.[3]
Opleiding
wysigStapelberg het haar operaopleiding onder Magdalena Oosthuizen aan die Konservatorium van Universiteit Stellenbosch ondergaan, en in 1998 haar graad in musiek en Engelse letterkunde voltooi. Die universiteit het ook verskeie akademiese- en sangbeurse aan haar toegeken. In 1999 verwerf sy haar hoërlisensiaat in musiekopvoering cum laude.
Professionele lewe
wysigIn 2000 word Stapelberg lid van die Kaapstadse Opera-ateljee. In 2001 ontvang sy die "Beste Jong Operasanger"-toekenning van die Cape Town Friends of the Opera.[4]
Haar operarolle sluit Angelica in Suor Angelica,[5] Mimì in Puccini se La bohème,[6] Nella in Gianni Schicchi,[7] lia in Mozart se [8] Idomeneo, Marguerite in Gounod se Faust,[9] Händel se Alcina, en Pamina in Mozart se Die Zauberflöte, in.[10]
Haar oratoriorepertorium sluit onder meer Messias van Händel, Vivaldi se Gloria, Haydn se Die Skepping (Duits: Die Schöpfung), Mozart se Vesperae de Dominica (Dixit Dominus) en Mis, Brahms se Ein Deutsches Requiem, Dvořák se Mis, Carla in William Kentridge se Confessions of Zeno, wat gekomponeer is deur Kevin Volans, en ook die Aqua Opera by die Victoria & Alfred Waterfront in 2003 en 2004, in.
Ander verhoogoptredes sluit Marthinus Basson se produksie van Igor Strawinski se Pulcinella in.
Stapelberg het saam met die Suid-Afrikaanse komponis Hendrik Hofmeyr aan sy Byzantium vir sopraan en orkes, The Death of Cleopatra en verskeie van sy sangsiklusse gewerk. Een van hulle, getitel Die Stil Avontuur, bestaan uit werke van die Suid-Afrikaanse digter, Elisabeth Eybers en is spesifiek vir Stapelberg se stem gekomponeer.
Sy het in 2014 die Kanna-toekenning vir beste klassieke produksie tydens die Klein Karoo Nasionale Kunstefees saam met die Odeion-strykkwartet ontvang.[11]
Buiten haar opera- en konsertoptredes, is Stapelberg ook betrokke by verskillende kreatiewe toneelprojekte met haar onderneming Long Tall Women Productions; in 2006 stel sy haar operakabaret getitel Zanne bekend.[12]
Diskografie
wysigVerwysings
wysig- ↑ Theron, N. "Sopraan Zanne nou blonde ma de Lange" (in Engels). Geargiveer vanaf die oorspronklike op 30 Maart 2019. Besoek op 23 April 2018.
- ↑ "South African musicians list". Geargiveer vanaf die oorspronklike op 19 Mei 2020. Besoek op 23 April 2018.
- ↑ "Zanne Stapelberg (matriek 1995) –die vrou met die engelstem" (PDF). Geargiveer vanaf die oorspronklike (PDF) op 24 Mei 2018. Besoek op 23 April 2018.
- ↑ "Uitkyk Hosts Zanne Stapelberg and New York's Kathleen Tagg in "Celebration of Song". Besoek op 23 April 2018.
- ↑ "Klassieke klanke: Zanne Stapelberg (Translated Classical Sounds)". Geargiveer vanaf die oorspronklike op 29 Julie 2019. Besoek op 23 April 2018.
- ↑ "La Bohème" (in Engels). Geargiveer vanaf die oorspronklike op 29 Julie 2019. Besoek op 23 April 2018.
- ↑ "Zanne Stapelberg and Albert Combrink performing at "Opera in a Convent". Besoek op 23 April 2018.
- ↑ "Spieël Speel met Kathleen Tagg en Zanne Stapelberg". Geargiveer vanaf die oorspronklike op 29 Julie 2019. Besoek op 23 April 2018.
- ↑ "Opera in hell" (in Engels). Geargiveer vanaf die oorspronklike op 29 Julie 2019. Besoek op 23 April 2018.
- ↑ "Zanne Stapelberg" (in Engels). Geargiveer vanaf die oorspronklike op 19 April 2012. Besoek op 23 April 2018.
- ↑ "South Africa's musos dish on being a woman in music" (in Engels). Geargiveer vanaf die oorspronklike op 30 Julie 2019. Besoek op 23 April 2018.
- ↑ "George Arts Theatre Programme of Events" (in Engels). Geargiveer vanaf die oorspronklike op 29 Julie 2019. Besoek op 23 April 2018.
- ↑ "Soul of Fire" (in Engels). Geargiveer vanaf die oorspronklike op 29 Julie 2019. Besoek op 23 April 2018.
- ↑ "Zanne Stapelberg to perform in two opera galas" (in Engels). Geargiveer vanaf die oorspronklike op 10 Desember 2018. Besoek op 23 April 2018.