Die klub is in 1885 gestig as Allgemeine Turnverein (ATV) Bergedorf. In 1911 is daar met Arbeiter Turnverein Phönix Sande saamgesmelt om Freien Turnerschaft Bergedorf-Sande te vorm. Na die herdoping van die stadswyk het die klubnaam in 1929 verander na Freie Turnerschaft Bergedorf-Lohbrügge. As 'n werkersklub het die klub sedert 1933 nie verder in die DFB se kompetisies deelgeneem nie, maar in die Arbeiter-Turn-und Sportbund (ATSB). Na die ontbinding van die ATSB deur die Nazi’s het die klub 'n lae profiel gehandhaaf in die onderste lae van die ligasisteem, totaal in die skadu van die plaaslike burgerlike teenstander SSB Bergedorf 1860 (vandag TSG Bergedorf 1860). Na die opskorting van alle sportklubs deur die Britse besettingsmagte tydens die Tweede Wêreldoorlog is die klub op 20 Januarie1946 heropgerig as "ASV Bergedorf 85".
Die klub se beste tye was gedurende die 1950’s, toe dit in die Oberliga, destyds die hoogste klas in die Duitse Bondsrepubliek, meegeding het.
