Abdastartus
Abdastartus (Fenisies: 𐤏𐤁𐤃𐤏𐤔𐤕𐤓𐤕 ’bd’štrt, moontlik uitgespreek ’Abd-’Ashtart) was 'n koning van Tirus en die kleinseun van Hiram I. Die enigste inligting wat oor hom bekend is, kom van die volgende opmerking van die Fenisiese skrywer Menander van Efese, soos aangehaal in Josephus se Teen Apion i.18:
| Abdastartus | ||
| Koning van Tirus | ||
| Bewind | 929-921 v.C. | |
| Voorganger | Baäleser I | |
| Opvolger | Astartus | |
| Gebore | 950 v.C. | |
| Gesterf | 921 of 920 v.C. | |
| Vader | Baäleser I | |
Ná die dood van Hirom het Beleazarus, sy seun, die koninkryk oorgeneem; hy het 43 jaar oud geword en sewe jaar regeer. Sy seun Abdastartus het hom opgevolg; hy het 29 jaar oud geword en nege jaar regeer. Vier seuns van sy verpleegster het teen hom saamgesweer en hom vermoor.
Volgens Menander/Josephus het Abdastartus dus sy bewind begin sewe jaar ná die dood van sy oupa, Hiram I. Die bewindsdatums van Hiram en die volgende konings is geskoei op die studies van J. Liver,[1] J.M. Peñuela,[2] F.M. Cross,[3] en William H. Barnes,[4] wat almal saamstem oor die betekenis van die inskripsies.[5] Vroeëre studies wat verskil, gee ander datums aan vir die konings van Tirus.
Verwysings
wysig- ↑ J. Liver, “The Chronology of Tyre at the Beginning of the First Millennium B.C.” Israel Exploration Journal 3 (1953) 119-120.
- ↑ J.M. Peñuela, “La Inscripción Asiria IM 55644 y la Cronología de los reyes de Riro”, Sefarad 13 (1953) 217-37 en 14 (1954) 1-39.
- ↑ F.M. Cross, “An Interpretation of the Nora Stone,” Bulletin of the American Schools of Oriental Research 208 (1972) 17, n. 11.
- ↑ William H. Barnes, Studies in the Chronology of the Divided Monarchy of Israel (Atlanta: Scholars Press, 1991) 29-55.
- ↑ Fuad Safar, “A Further Text of Shalmaneser III from Assur,” Sumer 7 (1951) 3-21.
Skakels
wysig
Hierdie artikel is in sy geheel of gedeeltelik uit die Engelse Wikipedia vertaal.
