Adam Kok II

Adam "Dam" Kok II (Namakwaland, 1771 – Bergrivier, 1835) was 'n leier (kaptein) van die Griekwas in Suid-Afrika.

Adam Kok II
Kaptein van die Griekwas
Voorafgegaan deur	Cornelius Kok I
Opgevolg deur	Adam Kok III
Persoonlike besonderhede
Gebore	1771 Namakwaland
Sterf	12 September 1835 Bergrivier

Biografie

Kok was die oudste seun van Cornelius Kok I. Hy vestig hom in Griekwastad, waar hy saam met Barend Barends die belangrikste leier was. Vanweë die vyandige Hartenaarsopstand verlaat hy Griekwastad met sy volgelinge in 1815. Na die dood van sy vader in 1820 was Kok die regmatige opvolger, maar na 'n kort periode as kaptein van Campbell tree hy ten gunste van sy broer Cornelius Kok II af om by die Bergenaars (ook Hartenaars genoem) aan te sluit.

In 1826 vestig Kok hom in Philippolis. In 1823 wen Adam Kok II, Cornelius Kok II, Andries Waterboer en Barend Barends die Slag by Dithakong, waardeur die Griekwas die terreur van die Mfecane gespaar bly. Hy sterf in 1838 tydens die terugkeer van 'n besoek aan Kaapstad. Sy dood lei tot 'n opvolgingstryd tussen sy seuns, Abraham Kok en Adam Kok III, wat deur laasgenoemde gewen is.

Literatuur

• E.J. Verwey: New Dictionary of South African Biography, Volume 1. HSRC Press, 1995
• Kruger, D.W. (ed) (1972). Dictionary of South African Biography, Kaapstad: Human Sciences Research Council, v. 4, p. 286
• Potgieter, D.J. et al. (eds) (1970). Standard Encyclopaedia of Southern Africa, Kaapstad: NASOU, v.6, p. 430.