Adichan Sjadrin
Adichan Sjadrin (Russies: Адихан Шадрин, 1929 – 2011) was 'n Sowjetse en Russiese skrywer van Tartaarse oorsprong wat fiksieboeke oor die lewe in Astrachan-oblast se dorpies gesrkyf het.
Adihan Sjadrin | |
|---|---|
 | |
| Gebore | 1 Julie 1929 Jandowisjtsje, Sowjetunie |
| Sterf | 15 Januarie 2011 (op 81) |
| Nasionaliteit | Rusland |
| Beroep | Skrywer |
Biografie
wysigSjadrin is gebore in 'n Tartaarse familie in die dorpie Jandowisjtsje in Mordowië, destyds deel van Rusland se Penza-oblast. Toe hy 'n paar maande oud was, is sy vader gevange geneem weens 'n gefabriseerde saak. Sjadrin se moeder het met haar kinders, insluitend Adichan, na Astrachan verhuis. Hy het die grootste deel van sy kinderjare in die vissersdorpie Nowokrasnoje in Wolodarski-rajon, Astrachan-oblast deurgebring.
Tydens sy universiteitsjare aan die Astrachanse Pedagogiese Instituut het Sjadrin kortverhale oor sy tuisdorpie se inwoners begin skryf vir die gebied se hoofkoerant Wolga, waarby 'n ander plaaslike skrywer, Joeri Selenski, destyds gewerk het.[1]
Boeke
wysig- Die eerste jag, 1955
- Tolja en Kolja, 1958
- Wowka die matroos, 1964
- Die reuk van teer, 1968
- Spore op die water, 1970
- Lizaweta, 1976
Verwysings
wysig- ↑ Nemirofskaja, Dina (29 Junie 2017). "Адихан Измайлович Шадрин (судьба — родное Понизовье)". Родное Слово. Сайт Астраханского регионального отделения Союза писателей России (in Russies). Besoek op 10 Julie 2023.