Agulhas- Nasionale Park

Die Agulhas- Nasionale Park of Nasionale Park Agulhas is op die suidelikste punt in Afrika, by Kaap Agulhas, geleë. Twee kusdorpe, L'Agulhas en Struisbaai, is naby die park. Die park is een van die kleinstes in Suid-Afrika en beslaan slegs die gedeeltes rondom Kaap Agulhas. Desnieteenstaande bied die park huisvesting aan 2 000 inheemse plantspesies, asook 'n vleiland wat beide voëls en amfibieë beskerm.

Agulhas- Nasionale Park
Die vuurtoring van Agulhas
Land	Suid-Afrika
Provinsie	Wes-Kaap
Naaste dorp	L'Agulhas
Agulhas- Nasionale Park
Koördinate: 34°50′0″S 20°0′0″O
Oppervlak	20 959 ha
Openingsjaar	14 September 1998
Bestuursliggaam	SANParke
Webblad	Agulhas- Nasionale Park

Plaket met die woorde: "U is nou op die mees suidelike punt van die vasteland van Afrika".

Die volgende besienswaardighede word in die park aangetref:

• Die suidelikste punt in Afrika: 34° 49’ 58" suid en 20° 00’ 12’’ oos. Dit is by hierdie punt waar die Indiese en Atlantiese Oseaan amptelik bymekaarkom.
• Die vuurtoring by Kaap Agulhas: dit is gebou om die eertydse ontdekkingsreisigers en handelskepe om die onstuimige see by Agulhas te laat verbyvaar. Die vuurtoring is die tweede oudste werkende vuurtoring in Suid-Afrika. 'n Unieke vuurtoringmuseum word binne aangetref.
• Skeepswrakke: verskeie skepe, onder meer De Zoetendal, HMS Birkenhead en HMS Arniston het by of naby Kaap Agulhas op die rotse geloop. Dele van hierdie wrakke is by Bredasdorp se Skeepswrakmuseum te sien.
• Fynbos: honderde soorte endemiese fynbos word hier aangetref.
• Walvisbesigtiging in seisoen – November tot Januarie.
• Diere ter besigtiging sluit in: Suidelike noorkapper, Swarttobie, Damarasterretjie en die Kaapse platanna.
• 'n Ryk visbank, genaamd die Agulhasbank.

Fotogalery

• 
  Blommeprag
• 
  'n Suidelike noorkapper
• 
  Swarttobie
• 
  Damarasterretjie

Eksterne skakels

• Agulhas- Nasionale Park op Sanparke se webtuiste.