Akkedis (sterrebeeld)

sterrebeeld

Die Akkedis (Latyn: Lacerta) is een van die 88 moderne sterrebeelde. Dit is dof en klein en is in 1687 geskep. Die sterrebeeld is in die noordelike hemelruim te sien. Die noordelike deel lê in die Melkweg.

Akkedis
Latynse naam Lacerta
Genitief Lacertae
Afkorting Lac
Waarnemingsdata (Epog J2000)
Regte klimming 22,5h
Deklinasie 45º
Grootte 201 vk. grade (68ste)
Kwadrant NQ4
Besonderhede
Hoofsterre 5
Helderste ster Alpha Lacertae
Naaste ster EV Lacertae
Sterre helderder as 3 m 0
Sterre met planete 12
Messier-voorwerpe 0
Bayer-/Flamsteed-sterre 17
Aangrensende sterrebeelde
Andromeda, Kassiopeia, Kefeus, Swaan, Vlieënde Perd
Portaal  Portaalicoon   Sterrekunde

Ruimtevoorwerpe wysig

Die Akkedis is tipies van sterrebeelde in die Melkweg: geen helder sterrestelsels of bolvormige sterreswerms kom voor nie, maar wel oop swerms soos NGC 7243, die dowwe planetêre newelvlek IC 5271 en ’n hele aantal dubbelsterre.

Alpha Lacertae, die hoofster en ’n optiese dubbelster, het ’n oënskynbare helderheid van net 3,77 mag. Die sterrebeeld het geen sterre van helderder as 4 mag nie. Die veelster Roe 47 bestaan uit vyf komponente.

ADS 16402 is ’n dubbelster in die Akkedis met ’n besonderse planeet: Die digtheid is laer as dié van kurk.[1] Die planeet, HAT P-1, is omtrent so groot soos Jupiter.

Verwysings wysig

Eksterne skakels wysig