Amanda Swart
Amanda Cecilia Swart is 'n Suid-Afrikaanse biochemikus met 'n professoraat in biochemie aan die Universiteit Stellenbosch.[1] Sy is bekend vir haar navorsing oor rooibos, 'n kruietee wat in Suid-Afrika gewild is,[2] is deur die Suid-Afrikaanse Rooibosraad befonds in haar navorsing,[3][4] en word gereeld in die Suid-Afrikaanse media aangehaal om die gesondheidsvoordele van rooibos te bevorder.[5][6]
| Amanda Cecilia Swart | |
| Nasionaliteit | Suid-Afrikaans |
|---|---|
| Vakgebied | Biochemie |
| Instelling(s) | Universiteit Stellenbosch |
| Alma mater | Universiteit Stellenbosch |
| Bekend vir | Ondersoek oor die gesondheidsvoordele van rooibos |
Opvoeding en loopbaan wysig
Swart het haar MSc in biologie in 1986[7] en haar doktorsgraad in 1999 aan Universiteit Stellenbosch voltooi, en in 2002 as fakulteitslid na Stellenbosch teruggekeer, waar sy voor- en nagraadse kursusse in biochemie gee. Sy was instrumenteel in die stigting van die P450-steroïdnavorsingsgroep op Stellenbosch en in 2011 is sy as medeprofessor aangestel.[8] Haar navorsingsgebiede sluit in: byniersteroïedvorming, sitochroom P450-ensieme, prostaatkanker en produkte afkomstig van die plante Aspalatus linearis (Rooibos), Salsola tuberculatiformis Botch. (Gannabos) en Sutherlandia frutescens (kankerbossie).[1]
wysig
Haar primêre navorsingsfokus, en dié van die P450-steroïdnavorsingsgroep, is op die hormone (byniersteroïede) wat deur die byniere geproduseer word, asook op die steroïedvorming-ensieme wat hul biosintese kataliseer, die metabolisme van hierdie steroïede in prostaatkanker, en hul implikasies in endokriene afwykings. Hulle navorsing behels ook die ondersoek na die effekte van plantprodukte op die endokrienestelsel.[1]
Swart se navorsing word geborg deur die Nasionale Navorsingstigting, Kankervereniging van Suid-Afrika en die Rooibosraad van SA.[1][4]
Die navorsing is opgedeel in drie fokusareas:
11β-hidroksi-androsteendioon wysig
11β-hidroksi-androsteendioon is 'n byniersteroïed en is betrokke by prostaatkanker sowel as kastrasiebestande prostaatkanker. Prof Swart ondersoek die meganisme van hierdie steroïde in prostaatkankerselle en ander kankerselle.[1]
Rooibos wysig
Daar is twee vertakkings van navorsing rakende rooibos wat Swart nastreef:
Metabolisme van prostaatkanker wysig
Swart se navorsing het voorgestel dat rooibos voordelige effekte op prostaatkanker kan hê deur die remming van 17β-hidroksisteroïd dehidrogenase en die blokkering van dihidrotestosteroon.[1][9] Haar navorsing het ook gekyk na die effek van rooibos op die ensiemmerker vir die prostaat-spesifieke antigeen (PSA) wat gebruik word as 'n toets vir prostaatkanker.
Kortisol en spanning wysig
Haar navorsing het voorgestel dat die inname van rooibos spanning kan verlaag deur die effekte van twee verbindings daarin, aspalatien en notofagien. Onder laboratoriumtoestande blokkeer hierdie verbindings die produksie van 'n streshormoon, kortisol.[10] Sy beweer dat rooibos die potensiaal het om hartsiektes te voorkom,[5][6] die gevolge van veroudering verminder en gewigsverlies bevorder.[4]
Verwysings wysig
- ↑ 1,0 1,1 1,2 1,3 1,4 1,5 "AC Swart Group" (in Engels). Stellenbosch University, Department of Biochemistry. Besoek op 17 Desember 2020.
- ↑ "Women in science honoured for their contributions to rooibos" (in Engels). South African Rooibos Council. 7 Februarie 2020. Besoek op 17 Desember 2020.
- ↑ Skade, Thandi (25 Januarie 2012). "R2m grant to help reveal rooibos's merit". The Star (in Engels). Geargiveer vanaf die oorspronklike op 13 Augustus 2016. Besoek op 17 Desember 2020.
- ↑ 4,0 4,1 4,2 "R2m for rooibos research" (in Engels). News 24. 25 Januarie 2012. Besoek op 17 Desember 2020.
- ↑ 5,0 5,1 "The potential of rooibos to curb heart disease now undeniable" (in Engels). Smile 90.4. 7 Februarie 2019. Besoek op 17 Desember 2020.
- ↑ 6,0 6,1 "Rooibos: a life-saver for today's ill's". The Witness (in Engels). 14 Februarie 2019. Besoek op 17 Desember 2020 – via Pressreader.
- ↑ Swart, Amanda C.(Amanda Cecilia) (27 Augustus 2012). "A biochemical study of two natural products from Salsola tuberculata". Stellenbosch University Library and Information Service (in Engels). Besoek op 17 Desember 2020.
- ↑ "Speaker: Amanda C. Swart". 3rd Congress on Steroid Research, Chicago, November 2015 (in Engels). Geargiveer vanaf die oorspronklike op 15 Desember 2016. Besoek op 17 Desember 2020.
{{cite web}}: CS1 maint: unfit URL (link). - ↑ "South African rooibos and honey-bush teas could fight cancer" (in Engels). Suid-Afrikaanse Uitsaaikorporasie. 21 Julie 2015. Geargiveer vanaf die oorspronklike op 16 Augustus 2016. Besoek op 17 Desember 2020.
- ↑ Gernetzky, Karl (9 Desember 2011). "If you see red, just drink rooibos tea". Business Day (in Engels). Geargiveer vanaf die oorspronklike op 24 September 2016. Besoek op 17 Desember 2020.
Eksterne skakels wysig
- Amanda Swart se publikasies geïndekseer deur Google Scholar