Amerikaanse Gewapende Magte

Die Amerikaanse Gewapende Magte (Engels: United States Armed Forces) is die gewapende magte (of weermag) van die Verenigde State van Amerika. Dit bestaan uit die Amerikaanse Leër, Amerikaanse Vloot, Amerikaanse Mariene Korps, Amerikaanse Lugmag, en die Amerikaanse Kuswag.

Amerikaanse Gewapende Magte
Seël van die Amerikaanse Gewapende Magte
Seël van die Amerikaanse Gewapende Magte
Land Verenigde State van Amerika
Tipe Gewapende Magte
Spesialisasie Amfibiese, ekspedisie en lug oorlogvoering
Hoofkwartier Pentagon
Aantal lede 1 369 532 aktiewe[1]
850 880 reserwe[2]
Kommandostruktuur Department van Verdediging
Veldslae Amerikaanse Rewolusionêre Oorlog
Anglo-Amerikaanse Oorlog van 1812
Meksikaans-Amerikaanse Oorlog
Tweede Opiumoorlog
Amerikaanse Burgeroorlog (1861–1865)
Spaans-Amerikaanse Oorlog
Eerste Wêreldoorlog (1917–1918)
Tweede Wêreldoorlog (1941–1945)
Koue Oorlog (1945–1991)
Korea-oorlog (1950–1953)
Viëtnamoorlog (1959–1975)
Golfoorlog (1990–1991)
Irakse Oorlog

Amerika het 'n sterk tradisie van siviele beheer oor hul weermag. Die President is die weermag se opperhoof, en help om militêre beleid te vorm saam met die Verenigde State se Departement van Verdediging (DoD). Die DoD se hoof is die V.S. Sekretaris van Verdediging, wat 'n siviele persoon en kabinetslid is. Die Sekretaris van Verdediging is tweede-in-bevel van alle militêre magte, nét na die President, en dien as die hoofassistent van die President in alle verdedigingsake.

Die gewapende magte van die Verenigde State van Amerika is 'n belangrike instrument in die handhawing van die buitelandse beleid van die Verenigde State van Amerika en die globale posisie van die land is van kardinale belang. Die weermag is reeds vir dekades die beste toegerus, en na die People's Liberation Army van die Volksrepubliek van Sjina, die tweede grootste militêre mag (personeelgewys) in die wêreld.

Inhoud

Personeel in elke gevegskomponentWysig

Komponent Militêr Onderoffisier Offisier Vroulik Siviel
  Amerikaanse Leër 541 291 438 670 98 126 75 507 299 644
  Amerikaanse Mariene Korps 195 338 173 474 21 864 13 493 20 484
  Amerikaanse Vloot 317 237 260 253 52 546 51 385 179 293
  Amerikaanse Lugmag 333 772 265 519 64 290 63 310 174 754
  Amerikaanse Kuswag 42 357 6 790 7 057
Totaal Aktief 1 429 995 1 137 916 236 826 210 485 688 628
  Amerikaanse Nasionale Leërwag 358 200
  Amerikaanse Reserwe Leër 205 000
  Amerikaanse Reserwe Mariene Korps 39 600
  Amerikaanse Reserwe Vloot 62 500
  Amerikaanse Nasionale Lugwag 105 700
  Amerikaanse Reserwe Lugmag 70 880
  Amerikaanse Reserwe Kuswag 9 000
Totale Reserwemagte 850 880
Ander DoD Personeel 108 833

OmvangWysig

Die vyf takke van die gewapende magte beskik oor meer as 1,4 miljoen aktiewe soldate en byna 1,1 miljoen reserviste, wat in die geval van oorlog aangevul word deur die Kuswag. Hulle beskik ook oor meer as 745,000 burgerlike werknemers.[3] Die oudste deel is die leër, wat in 1775 gestig is, en die mees onlangse is die Lugmag, wat in 1947 gestig is.

Volgens onafhanklike bronne en navorsing is bevind dat die Gewapende Magte van die Verenigde State van Amerika die sterkste ter wêreld sou wees. Hierdie impak is gebaseer op die jaarlikse grootste militêre begroting (vergelyking: VSA: meer as VS$ 554 miljard, Duitsland: VS$ 46 miljard) in die wêreld, waarvan die grootste deel gaan vir opleiding, inligtingvloei, netwerking, toerusting en navorsing. Die begroting was in die begrotingsjaar 2013 ongeveer VS$ 554,2 miljard (sowat 4% van die totale BBP).[4]

Baanbrekerswerk in tegniese innovasies en personeel-ontwikkelingsprogramme in die Amerikaanse Weermag word met NAVO-lede en sy bondgenote gedeel, waarvan die VSA en Verenigde Koninkryk die belangrikste lede is.[5]

DoktrineWysig

Organisatories is die V.S. Gewapende Magte 'n omskakeling van 'n gelokaliseerde burgermag (geskoei op die Engelse model) tot 'n gesentraliseerde professionele weermag, ook deur herhaalde gevalle van diensplig, en vandag besit dit kenmerke van al drie hierdie werwingsmetodes. Die slaankrag van die Verenigde State se militêre mag was altyd gerig op die belangrikheid wat die Verenigde State van Amerika heg aan buitelandse beleid, sodat gevegsmagte en diplomasie 'n parallelle ontwikkeling ondergaan. Hierdeur was die militêre mag oor dekades lank verantwoordelik vir beide ingryping in die buiteland, en as afskrikmiddel; sedert die land se opkoms as 'n supermoondheid en die handhawing van hierdie status tydens die Koue Oorlog met die Sowjetunie. Benewens die wêreldwye ineenstorting van staatstrukture na die militêre ingryping deur die Verenigde State, is daar ook die voorkoms van asimmetriese oorlogvoering wat die taktiese Amerikaanse magte bevoordeel tydens strategiese uitdagings.

VerwysingsWysig

  1. (en) "Armed Forces Strength Figures for December 31, 2013". United States Department of Defense. Besoek op 4 September 2014. 
  2. (en) "H.R. 4310 (112th): National Defense Authorization Act for Fiscal Year 2013". GovTrack. Besoek op 4 September 2014. 
  3. Statistical Information Analysis Division Datum: Maart 2010.
  4. tagesschau.de 9 Julie 2011
  5. Webtuiste van die Kanadese Vloot. Besoek op 27 Mei 2008.
Hierdie artikel is in sy geheel of gedeeltelik vanuit die Duitse Wikipedia vertaal.