Andries Botha (1952-) is ’n Suid-Afrikaans beeldhouer wat dikwels inheemse tegnieke, soos die weefwerk van vroue, in sy beelde inwerk om die waarde van kulturele gebruike van plaaslike gemeenskappe te illustreer. Hy werk ook met herwonne materiale soos rubber. Hy is veral bekend vir sy reuse-olifantprojekte.[1]

Andries Botha
Gebore
Andries Johannes Botha

22 September 1952
NasionaliteitSuid-Afrika
Alma materUniversiteit van Natal
BeroepBeeldhouer
Bekend virWerke

Lewensloop wysig

 
'n Kunswerk van Andries Botha langs die kus van België.
 
Een van sy olifante in die Koninklike Museum vir Midde-Afrika.

Andries Johannes Botha is op 22 September 1952 in Pretoria gebore en gradueer in die 1970's aan die Universiteit van Natal. As 'n jong man het hy beeldhouwerk en drukkuns beoefen. Hy maak sy eerste beeld in 1971 terwyl hy 'n student in Pietermaritzburg was, en hou sy eerste uitstalling in 1974.[2]

Hy het verskeie toekennings vir werk ontvang, onder andere die Volkskas Atelier Merieteprys (1987), die Kaapstadse Triënnale Merieteprys (1988), die Standard Bank Jong Kunstenaar-prys (1990) en die Nasionale Vita-prys (1992).

Hy het ook talle uitstallings gehou, onder andere in 2008 in Frankryk (Brittany) en die Kanariese Eilande, in 2011 in Suid-Korea en plaaslik gedurende 2010 en 2011 in Suid-Afrika.

Botha gebruik kuns om kommentaar op die sosiale en politieke uitdagings van sy tyd te lewer. Hy het vir 'n verskeidenheid temas werke geskep, insluitend die mede-bestaan van die mens met ander lewensvorme, kreatiwiteit, burgerskap en lewenslange leergierigheid.

Publikasies wysig

  • Andries Botha, "US Wordfest Artist, 2010, 24 pp, colour illus, paperback, Stellenbosch, 2010
  • Andries Botha, "Standard Bank Young Artist Award", 1991, 24 badsye

Verwysings wysig

  1. HAT Taal-en-feitegids, Pearson, Desember 2013, ISBN 978-1-77578-243-8
  2. Sophie Perryer (2004). 10 years 100 artists: art in a democratic South Africa. Bell-Roberts Pub. in association with Struik Publishers. p. 130. ISBN 978-1-86872-987-6.