Anton Corvinus

Antonius Corvinus (* 27 Februarie 1501, of 11 April 1501 in Warburg , in die bisdom van Paderborn; † 5 April 1553 in Hannover) was 'n Lutherse teoloog, hervormer in Laer-Sakse, die hervormer en land-superintendent in die Hertogdom van Calenberg-Göttingen.

Die lewe

Anton Corvinus, 1501–1553

Anton Corvinus, 1546

Dit kan nie met sekerheid gesê word wie sy ouers was nie, maar daar word vermoed dat hy 'n buite-egtelike seun van Lippold Rabe von Canstein was. Hierdie was Domherr in Paderborn en die Burggraaf van Warburg en het die bynaam Cythogallus ("bierkraan", lat.: cervisia, bier, en gallus, die haan) gehad. Antonius noem homself Anthonius Rabe (lat.: corvus, die Raaf) en Anton Räbener en tot 1536 Anthonius Zythogallus, Antonius Bierhahn of Anthonius Broihan. Hy gebruik ook deurlopend 'n seël met die embleem van die Rabe von Canstein. Dit het 'n "baster-balkie" -wat verwys na sy buite-egtelike geboorte- en 'n gekroonde swart, links-gerigde kraai. Normaal is dit in die heraldiek regs-gerig.

Corvinus was, volgens sommige geskrifte, in die jaar 1519 'n Cisterciënsiese monnik. Van die bronne sê in Loccum, volgens ander geskrifte in Riddagshausen. Hy verlaat hierdie klooster in die jaar 1523, wanneer hy 'n aanhanger van die Lutherse leer word. Hy was 'n student van Martin Luther en Philipp Melanchthon in Wittenberg. Later was hy predikant in Goslar (1528) en Witzenhausen (1529). In 1540 skryf hy die eerste Calenbergse Kerkorde. Hy is die raadgewer vir Hertog Philip von Hessen, en later vir Philip se weduwee, die Hertogin Elizabeth. Onder haar beskerming het hy in 1539, die Reformasie in Northeim, Hildesheim (1541, saam met Johannes Bugenhagen) en Calenberg ingevoer. In 1542 word Corvinus pastoor in Pattensen en Algemene Superintendent van die Hertogdom van Braunschweig-Calenberg.

Die Rooms-Katolieke landheer Erich II verkry in 1548 die tussentydse bevel van die Rooms-katolieke Keiser wat as die Augsburgse Interim bekend is. Hierdie tussentydse bevel word op die Lutherse Sinode van Münden in 1549 deur Anton Corvinus, die Pattenser prediker Walter Hoiker en 140 geestelike heftig verwerp. In reaksie daarop neem Erich II vir Anton Corvinus en Walter Hoiker op 2. November 1549 in hegtenis en word hulle aangehou in die kasteel Calenberg, om hulle en die res van die 140 geestelikes te dwing om die tussentydse bevel te aanvaar. Die gevangenes word goed versorg en word toegelaat om briewe te skryf en te ontvang, en om deur 'n oop venster met besoekers te praat. Later, na die Verdrag van Passau, waartydens die Keiser die tussentydse bevel ongeldig verklaar het en toe Erich II met hom ongenade geval het, het Erich II die twee gevangenes op 21 Oktober 1552 weer vrygelaat.

Daarna was Anton Corvinus pastoor van die Aegidienkerk in Hanover. Docter Corvynus is op 5 April 1553 op die ouderdom van 52 jaar in Hanover oorlede en is in die "S. Georgiikerke van die 8 Predikers van die Platteland" in die koor voor die Altaar begrawe. Hy het twee seuns en drie dogters gehad.

Ander

Talle kerke en die Gimnasium Corvinianum in Northeim is na Anton Corvin vernoem.

Literatuur

• Hans Heinrich Harms (1957) (in de), Corvinus, Antonius, 3, Berlin: Duncker & Humblot, pp. 371–372, http://daten.digitale-sammlungen.de/0001/bsb00016319/images/index.html?seite=387none ; (full text online)
• Adolf Brecher:Sjabloon:ADB
• Gerhard UhlhornSjabloon:RE3
  • Korrektur:Sjabloon:RE3
• Martin Stupperich:Sjabloon:TRE
• Robert Stupperich: Reformatorenlexikon. Gütersloher Verlagshaus Mohn, Gütersloh, 1984, ISBN 3-579-00123-X
• Friedrich Wilhelm Bautz:[{{{1}}} BBKL Inskrywing] (met Literatuurverwysings) in die Biographisch-Bibliographisches Kirchenlexikon (Duits)
• Gerhard Uhlhorn: Antonius Corvinus, ein Märtyrer des evangelisch-lutherischen Bekenntnisses, voordrag deur G. Uhlhorn, in die reeks Schriften des Vereins für Reformationsgeschichte, Halle: Niemyer, 1892
• Hans-Heinrich Harms: Niedersächsische Antworten auf das Augsburger Interim, Dissertation 1941 aan die Universiteit Göttingen
• Anneliese Sprengler-Ruppenthal: Die evangelischen Kirchenordnungen des 16. Jahrhunderts, begin deur Emil Sehling, instandgehou deur die Heidelberger Akademie der Wissenschaften, Uitgewer von Eike Wolgast, Band 6 Niedersachsen, Halbband 2 Die Fürstentümer Calenberg-Göttingen und Grubenhagen mit den Städten Göttingen, Northeim, Hannover, Hameln und Einbeck. Die Grafschaften Hoya und Diepholz (met Anhangsel: Das Freie Reichsstift Loccum), 1957
• Daniel Eberhard Baring: Leben des berühmten M. Antonii Corvini weil. Braunschw. Lüneb. General-Superintendenten im Fürstenthum Calenberg [et]c. und vornehmsten Werkzeugs bey der Reformation dieses Fürstenthums : zur Beleuchtung der Kirchen-Geschichte aus bewehrten Scribenten, und glaubwürdigen Nachrichten zusammen gesuchet, und mit Beylagen bestärket …, Hannover: Nic. Försters und Sohns Erben, Hof-Buchhändlern, 1749; Digitalisat der Bayerischen Staatsbibliothek (BSB)
• Jens Schmidt-Clausen: CORVINUS (Rabe), Antonius, in: Hannoversches Biographisches Lexikon, bl. 86f. u.ö.; online über Google-Bücher
• Jens Schmidt-Clausen: Corvinus (Rabe), Antonius, in: Stadtlexikon Hannover, bl. 118f

Eksterne skakels

• Anton Corvinus in die katalogus van die Duitse Nasionale Biblioteek (de) (de)
• Sjabloon:DDB Duitse Digitale biblioteek
• Tekste van Anton Corvinus in die Glaubenstimme