Wikipedia

Arthur Grumiaux

Baron Arthur Grumiaux (21 Maart 1921 – 16 Oktober 1986) was 'n Belgiese violis.

Arthur Grumiaux
Arthur Grumiaux in 1965
Agtergrondinligting
GeboortenaamArthur Grumiaux
Gebore(1921-03-21)21 Maart 1921
Villers-Perwin, België
Sterf16 Oktober 1986 (op 65)
Brussel, België
Beroep(e)Violis

Vroeë lewe

wysig

Grumiaux is op 21 Maart 1921 gebore in die Belgiese dorpie Villers-Perwin,[1] Grumiaux was slegs drie jaar oud toe sy oupa hom begin aanmoedig het om die studie van musiek op te neem. Hy het op 6-jarige ouderdom ingeskryf aan die Konservatorium in Charleroi; terwyl die normale ouderdom vir intrede 11 was. Hy het tot 11-jarige ouderdom die viool en klavier gestudeer, waarna hy gegradueer het en aanbeweeg het na die Koninklike Konservatorium in Brussel om die viool te studeer.[2]

Loopbaan

wysig

Daar is bespiegel dat hy sy debuut in Brussel op 14-jarige ouderdom gemaak het,[2] of in 1935,[1] alhoewel daar oor die algemeen aanvaar word dat hy sy buiging in 1940 gemaak het.[3][4][5] Laasgenoemde opvoering het in België plaasgevind saam met die Brusselse Filharmoniese Orkes, en Grumiaux het Mendelssohn se Concerto gespeel.[4]

As gevolg van die Duitse inval van België het hy eers weer in die openbaar gespeel na die bevryding van Europa in 1945, saam met die ENSA (die Geallieerde militêre vermaaklikheidorganisasie),[6][7] in sy Londense buiging daardie jaar.[3][4]

In 1949 is hy aangestel as professor van viool aan die Brusselse Konservatorium, waar hy vantevore studeer het.[3][8] Sy debuut in die Verenigde State was in Boston in 1951, en die volgende jaar het hy deur die VSA getoer.[6][9]

In 1973 is hy op grond van sy dienste aan musiek deur die koning van België tot die adelstand verhef, met die titel van baron.[8]

Afsterwe

wysig

Hy het in 1986 op die ouderdom van 65 in Brussel aan 'n Beroerte beswyk.[1]

Opnames

wysig

Grumiaux het 'n lang en vrugbare verhouding met die Philips Plate-etiket gehad (meer as 20 jaar). Opnames op die plate-etiket sluit werke deur Händel, Bach, Vivaldi, Michael Haydn, Schubert, Mendelssohn, Bruch, Tsjaikofski, Wieniawski en Johan Svendsen in.[10][11]

Grumiaux se opname van die Gavotte en rondeaux uit Bach se Partita no. 3 vir solo viool is ingesluit op die Voyager Goue Plaat, wat aan boord van Voyager 1 en Voyager 2 geplaas is toe hulle in 1977 gelanseer is as voorbeeld van kultuur op Aarde.[12]

Sy instrumente

wysig

Hy het 'n Guarneri (die "Rose", gemaak deur Giuseppe Guarneri in 1744)[13] en 'n Stradivarius, die "General Dupont", wat in 1727 gemaak is, besit.[14]

Vioolkompetisie

wysig
 
Kenteken van die kompetisie

Die Internasionale Grumiaux-kompetisie vir Jong Violiste word jaarliks gehou en vind plaas by die Koninklike Konservatorium van Brussel in België.[15][16]

Dit is die eerste keer in 2008 gehou onder die naam Bravo.[17] In 2015 is die kompetisie na Arthur Grumiaux hernoem.[18] Dit staan tans bekend as die Concours International Grumiaux pour Jeunes Violonistes (Internasionale Grumiaux-kompetisie vir Jong Violiste).[19]

Verdere leesstof

wysig

Verwysings

wysig
  1. ↑ 1,0 1,1 1,2 State, Paul F. (2015). Historical Dictionary of Brussels. Rowman & Littlefield. p. 190.
  2. ↑ 2,0 2,1 Campbell, Margaret (2011). "34 The Musician's Musician". The Great Violinists. Faber & Faber. p. 167.
  3. ↑ 3,0 3,1 3,2 "Arthur Grumiaux, Baron". Encyclopædia Britannica (in Engels). Geargiveer vanaf die oorspronklike op 13 Januarie 2020.
  4. ↑ 4,0 4,1 4,2 Burgess, Patricia; Turner, Roland (1989). The Annual Obituary. St. James Press. p. 580.
  5. ↑ Roth, Henry (1997). Violin Virtuosos: From Paganini to the 21st Century. California Classic Books. p. 203.
  6. ↑ 6,0 6,1 Campbell, Margaret (2011). "34 The Musician's Musician". The Great Violinists. Faber & Faber. p. 168.
  7. ↑ Lloyd, Stephen (2014). Constant Lambert: Beyond the Rio Grande. Boydell Press. p. 332.
  8. ↑ 8,0 8,1 "Legendary Violinists: Arthur Grumiaux". www.thirteen.org (in Engels). Geargiveer vanaf die oorspronklike op 10 Januarie 2020.
  9. ↑ "Arthur Grumiaux: The Boston Recordings". Parnassus Classical CDs and Records (in Engels). Geargiveer vanaf die oorspronklike op 3 Oktober 2019. Besoek op 29 April 2019.
  10. ↑ "ARTHUR GRUMIAUX: PHILIPS RECORDINGS 1955-1978". Classics Today.
  11. ↑ "Arthur Grumiaux - Philips Recordings 1955-1977" (in Engels). Geargiveer vanaf die oorspronklike op 5 Februarie 2020.
  12. ↑ "Golden Record: Music From Earth". JPL (in Engels). Geargiveer vanaf die oorspronklike op 30 Julie 2017.
  13. ↑ "The Art of Arthur Grumiaux". Audiophile Audition (in Engels). 26 Mei 2014. Geargiveer vanaf die oorspronklike op 11 Januarie 2020.
  14. ↑ "Frank Peter Zimmermann receives 'General Dupont', 'Grumiaux' Stradivarius on long-term loan". The Strad. 20 Januarie 2016. Geargiveer vanaf die oorspronklike op 22 Januarie 2016. Besoek op 29 April 2019.
  15. ↑ "Revivez le concert des lauréats du Concours Grumiaux 2016". RTBF (in Frans). 1 Februarie 2016. Geargiveer vanaf die oorspronklike op 8 Februarie 2020.
  16. ↑ "Un prestigieux concours international pour jeunes violonistes a lieu à Namur". RTBF (in Frans). 10 Februarie 2016. Geargiveer vanaf die oorspronklike op 11 Februarie 2020.
  17. ↑ "8ème CONCOURS INTERNATIONAL "Arthur Grumiaux"". Institut Supérieur de Musique et de Pédagogie (in Frans). Geargiveer vanaf die oorspronklike op 26 Desember 2019.
  18. ↑ "Concours pour violonistes". lavenir.net (in Frans). 23 Maart 2015. Geargiveer vanaf die oorspronklike op 7 Januarie 2020.
  19. ↑ "Contact". Best of Violin (in Frans). Geargiveer vanaf die oorspronklike op 20 Oktober 2019. Besoek op 29 April 2019.

Eksterne skakels

wysig
Ontsluit van "https://af.wikipedia.org/w/index.php?title=Arthur_Grumiaux&oldid=2666002"