Arthur Schopenhauer
Arthur Schopenhauer is 'n 19de-eeuse Duitse filosoof. Hy is op 22 Februarie 1788 in Danzig gebore. Sy pa was 'n bankier en sy ma 'n skrywer. In 1793 het die gesin na Hamburg getrek. Na sy pa se skielike dood in 1805 het Schopenhauer begin met sy akademiese opleiding te Gotha, Weimar, Göttingen en Berlyn. Hy het aanvanklik geneeskunde en natuurwetenskappe studeer en later in 1813 sy verhandeling in die filosofie aan die Universiteit van Jena voltooi. Hy het ook filosofie aan die Universiteit van Berlyn doseer waar hy hom veral teen George Hegel verset het. Hy het hom later in Frankfurt gevestig waar hy in 1860 gesterf het.
| Arthur Schopenhauer | |
| |
| Gebore | 22 Februarie 1788 Danzig, Pruise |
|---|---|
| Oorlede | 21 September 1860 (op 72) Frankfurt am Main, Koninkryk Pruise |
| Vakgebied | Metafisika, estetika, etiek, fenomenologie, moraliteit, sielkunde |
| Beïnvloed deur | Boeddhisme, Kant, Plato, Upanishade |
| Invloed op | Borges, Campbell, Einstein, Freud, Gray, Jung, Kraus, Mann, Neumann, Nietzsche, Ryle, Santayana, Schrödinger, Tolstoi, Wagner, Weininger, Wittgenstein, Zapffe |
| Handtekening | 
|
Hy staan bekend vir sy werk Die Welt als Wille und Vorstellung (Die Wêreld as Wil en Voorstelling) wat in 1819 gepubliseer is en aanvanklik met stilswye begroet is. Sy wêreldbeskouing is deurgaans pessimisties. Hy is ontnugter deur menslike wreedheid en het die lewe as wesenlik boosaardig, sinneloos en vol leed beskou. Hy was ook bekend vir sy vrouehaat en wantroue in ander mense.
Hy het 'n groot bewondering vir Immanuel Kant, Plato en Johann Wolfgang von Goethe gehad. Sy werke is ook beïnvloed deur die Oosterse filosofie waarin hy ontsnapping uit 'n swaarmoedige lewe in asketiese lewensstyl gesien het.
Bronne
wysig- Young, J. 2005. Schopenhauer. Routledge: Londen & New York
Eksterne skakels
wysig
Wikimedia Commons het meer media in die kategorie Arthur Schopenhauer.- Arthur Schopenhauer
