Wikipedia

Asima Chatterjee

Asima Chatterjee (23 September 1917 – 22 November 2006) was 'n Indiese organiese chemikus wat bekend is vir haar werk in organiese chemie en plantgeneeskunde.[1] Voorbeelde van haar mees noemenswaardige werk is navorsing op vinca alkaloïede, en die ontwikkeling van anti-epileptiese medikasie en anti-malariamedisyne. Sy het ook baie werke oor medisinale plante van die Indiese subkontinent gepubliseer. Sy was die eerste vrou om 'n doktorsgraad in die Wetenskap aan 'n Indiese Universiteit te verwerf.

Asima Chatterjee
Asima Chatterjee
Geboortenaam Asima Mookerjee
Gebore 23 September 1917
Kolkata, Indië
Nasionaliteit Indiër
Alma mater Universiteit van Kolkata
Bekend vir Organiese chemie

Biografie

wysig

Vroeë lewe

wysig

Asima Chatterjee is gebore (as Asima Mookerjee) op 23 September 1917[2] in Bengale. Chatterjee het in Kolkata grootgeword in 'n middelklasgesin waar sy aangemoedig is om 'n goeie opvoeding te bekom.[3] Sy het haar pa se belangstelling in plantkunde gedeel.[4] Sy het in 1936 haar graad in chemie met lof behaal aan die Scottish Church College van die Universiteit van Kolkata.[5][6]

Akademiese werk

wysig

Asima Chatterjee het 'n meestersgraad (1938) en 'n doktorsgraad (1944) in organiese chemie aan die Universiteit van Kolkata ontvang, en het hiermee die eerste Indiese vrou geword om 'n doktorsgraad in die wetenskap te kry. Haar doktorale navorsing het gefokus op die chemie van plantprodukte asook sintetiese organiese chemie.[7] Onder haar instrukteurs was Prafulla Chandra Roy en Satyendra Nath Bose. Sy het daarbenewens navorsingservaring aan die Universiteit van Wisconsin-Madison en Caltech opgedoen.

Chatterjee se navorsing was gefokus op die chemie van natuurlike produkte en het gelei tot anti-konvulsiewe, anti-malaria, en chemoterapeutiese middels. Sy het ongeveer veertig jaar gewy aan navorsing oor verskeie alkaloïedverbindings.[8] Sy het ook die anti-epileptiese aktiwiteit[9] in Marsilea minuta en anti-malaria-aktiwiteit in die plante Alstonia scholaris, Swertia chirata, Picrorhiza kurroa en Caesalpinia crista ontdek. Hierdie middels het egter hulself nie as klinies mededingend bewys teenoor die medikasie wat tans gebruik word vir hierdie toestande nie. Haar werk het gelei tot die ontwikkeling van 'n anti-epileptiese medikasie (Ayush-56) en 'n paar anti-malaria medisynes.

Chatterjee het ongeveer 400 artikels geskryf wat in nasionale en internasionale joernale gepubliseer is.

Behalings

wysig

Chatterjee se bydraes tot die wetenskap sluit in:[10]

  • Vroeë chemiese ondersoeke van die alkaloïede in Rauwolfia canescens.
  • Ondersoeke in die chemie van byna al die vernaamste tipes van indol alkaloïede.
  • Bydraes tot die toeligting van die struktuur en stereochemie van ajmalisien en sarpagien.
  • Eerste voorgestelde stereo-konfigurasie van sarpagien.
  • Isolasie en karakterisasie van geissoschizien, 'n belangrike voorloper in die biogenese van indol alkaloïede van Rhazya stricta.
  • Sintetiese studies op 'n aantal komplekse indol-, kinolien- en isokinolienalkaloïede.
  • Prosedures vir die voorbereiding van beta-fenieletanolamiene in verband met alkaloïed sintese.
  • Struktuurbepaling van luvangetien wat uit Luvanga scandens geïsoleer is.
  • Studies oor die aksie van verskeie Lewissure op geprenileerde coumarine en ontwikkeling van eenvoudige sintetiese roetes vir 'n aantal komplekse coumarienstelsels.
  • Ondersoeke oor die meganisme van die suur-gekataliseerde hidramien afbraak van beta fenieletanolamiene.
  • Die gebruik van perjoodsuur as 'n reagens vir die opsporing en die lokalisering van beide terminale en eksosiklise dubbelbindings in organiese verbindings.

Loopbaan

wysig

Sy het by die Dame Brabourne Kollege van die Universiteit van Calcutta. In 1954 het Chatterjee by die University College of Science van die Universiteit van Kolkata aangesluit as 'n medeprofessor in suiwer chemie, en het later daar as volle professor die Khaira leerstoel beklee.

Toekennings en erkenning

wysig
  • Sy was 'n Premchand Roychand Scholar van die Universiteit van Kolkata.
  • Van 1962 tot 1982 was sy die Khaira Professor van Chemie, een van die mees gesogte leerstoele aan die Universiteit van Kolkata.
  • In 1972, is sy aangestel as die Ere-Koördineerder van die Spesiale Hulp-Program ter versterking van onderrig en navorsing in die chemie van natuurlike produkte, goedgekeur is deur die Indiese University Grants Commission.
  • In 1960, is sy verkies tot lid van die Indiese Nasionale Wetenskap Akademie, Nieu-Delhi.
  • In 1961, het sy die eerste vroulike ontvanger van die Shanti Swarup Bhatnagar Toekenning in die chemiese wetenskap geword.
  • In 1975, het sy die gesogte Padma Bhushan toekenning gekry, en is in daardie jaar ook die eerste vroulike wetenskaplike om gekies te word as die President van die Indiese Wetenskap Kongres Vereniging.
  • Sy is verskeie eredoktorsgrade verleen.
  • Sy is deur die President van Indië as 'n lid van die Rajya Sabha vernoem, vanaf Februarie 1982 tot Mei 1990.
  • Op 23 September 2017 het die soekenjin Google 'n 24-uur Google Doodle ter ere van die 100ste herdenking van haar geboorte gepubliseer.

Verwysings

wysig
  1. ↑ The Shaping of Indian Science. p. 1036. Indian Science Congress Association, Presidential Addresses By Indian Science Congress Association. Published by Orient Blackswan, 2003. ISBN 978-81-7371-433-7
  2. ↑ Chatterjee, Asima.; Parks, Lloyd M. (1 Mei 2002). "The Structure of Verbenalin". Journal of the American Chemical Society. 71 (6): 2249–2250. doi:10.1021/ja01174a506. Besoek op 23 September 2017.
  3. ↑ Smith, K.N. (23 September 2017). "Today's Google Doodle Honors Chemist Asima Chatterjee". Forbes (in Engels). Geargiveer vanaf die oorspronklike op 16 Januarie 2020. Besoek op 23 September 2017.
  4. ↑ Keating, Fiona (23 September 2017). "First Indian woman in history to be awarded a PhD for science would be 100 today". The Independent (in Engels (VK)). Geargiveer vanaf die oorspronklike op 22 Januarie 2020. Besoek op 23 September 2017.
  5. ↑ Some Alumni of Scottish Church College in 175th Year Commemoration Volume Scottish Church College, 2008, p. 584
  6. ↑ Chemistry alumni of Scottish Church College Geargiveer 6 April 2009 op Wayback Machine
  7. ↑ valentinaproject (6 Augustus 2014). "Asima Chatterjee, chemist". The Valentina Project. Geargiveer vanaf die oorspronklike op 12 Oktober 2016. Besoek op 11 Oktober 2016.
  8. ↑ Jayaraj, Nandita. "Asima Chatterjee, the Scientist Who Did So Much More in a Time of Less". The Wire (in Engels (VK)). Geargiveer vanaf die oorspronklike op 3 Maart 2018. Besoek op 23 September 2017.
  9. ↑ Basak, Swati (Mei 2015). "WOMEN, SCIENCE, EDUCATION AND EMPOWERMENT: ASIMA CHATTERJEE, THE GENIUS LADY" (PDF). IMPACT: International Journal of Research in Humanities, Arts and Literature. 3 (5): 133–138. ISSN 2321-8878. Besoek op 23 September 2017.
  10. ↑ "Women Scientists of India: Dr. Asima Chatterjee - Google Arts & Culture". Google Cultural Institute (in Engels). Geargiveer vanaf die oorspronklike op 8 November 2017. Besoek op 23 September 2017.

Verdere leesstof

wysig

Eksterne skakels

wysig
Ontsluit van "https://af.wikipedia.org/w/index.php?title=Asima_Chatterjee&oldid=2621113"