Bernie Ecclestone
Bernard Charles (Bernie) Ecclestone (* 28 Oktober 1930 naby Bungay in Suffolk, Engeland) was die president en Hoofbesturende direkteur van Formula One Management en Formula One Administration en besit ook 'n aandeel in Alpha Prema, die moedermaatskappy van die Formule Een Groep-maatskappye. As sulks was hy as die primêre gesaghebber in Formule Een beskou. Aan die begin van 2017 is F1 se eienaarskap oorgeneem deur Liberty Media Corporation en Delta Topco. Chase Carey, die voorsitter van hierdie maatskappye, is aangewys as die uitvoerende hoof van F1. Mnr. Ecclestone het hierna in 'n raadgewende hoedanigheid as "Voorsitter Emeritus" van F1 gedien, tot in 2020.[6]
Bernie Ecclestone | |
|---|---|
.jpg) Bernie Ecclestone in 2012 | |
| Gebore | Bernard Charles Ecclestone 28 Oktober 1930[1] |
| Nasionaliteit | .svg){kind=small} Verenigde Koninkryk |
| Beroep | Entrepreneur |
| Titel | Voorsitter Emeritus van F1 |
| Eggenoot | Ivy Bamford (1952–?, geskei)[2] Slavica Ecclestone (1985–2009, geskei)[3] Fabiana Flosi (2012–hede) |
| Kinders | Deborah Ecclestone (* 1955)[4][5] Tamara Ecclestone (* 1984) Petra Ecclestone (* 1988) |
In die pers word daar dikwels na hom verwys as die "F1 Supremo". Sy vroeëre betrokkenheid by die sport was as 'n deelnemer en later as bestuurder van die renjaers Stuart Lewis-Evans en Jochen Rindt. In 1972 het hy die Brabham-span gekoop, wat hy vir vyftien jaar lank bestuur het.[7] As 'n spanbaas het hy 'n lid van die "Formula One Constructors Association" geword. Sy beheer oor die sport wat gespruit het uit sy pionierswerk in die verkoop van televisieregte in die laat 1970's, is hoofsaaklik finansieel van aard maar onder die voorwaardes van die Concorde Ooreenkoms het hy en sy maatskappye die administrasie, reëlings en logistiek van alle Formule Een Grands Prix behartig. Ecclestone het probeer om aan twee Grand Prix wedrenne deel te neem in die 1958-seisoen maar het nie daarin geslaag om vir enigeen van die twee te kwalifiseer nie.
Verwysings
wysig- ↑ Cary, Tom (28 Oktober 2010). "Bernie Ecclestone at 80: timeline". The Daily Telegraph (in Engels). Londen. Geargiveer vanaf die oorspronklike op 20 April 2019. Besoek op 8 November 2011.
- ↑ Marcus Berkmann (3 April 2011). "When is Bernie Ecclestone taller than his wife? When he stands on his wallet". Daily Mail (in Engels). Londen. Geargiveer vanaf die oorspronklike op 1 Julie 2018. Besoek op 8 November 2011.
- ↑ Tom Bower (13 Februarie 2011). "Never mind the dog...beware of the wife! The jaw-dropping inside story of Bernie Ecclestone's marriage". Daily Mail (in Engels). Londen. Geargiveer vanaf die oorspronklike op 1 Julie 2018. Besoek op 8 November 2011.
- ↑ "Bernie Ecclestone: A Short History of F1's Billion-Dollar Brain" (in Engels). Bleacher Report. 22 Maart 2011. Geargiveer vanaf die oorspronklike op 5 Maart 2016. Besoek op 8 November 2011.
- ↑ "Home of the Daily and Sunday Express | Express Yourself :: Fast life of billionaire Bernie Ecclestone". Daily Express (in Engels). 16 Desember 2010. Geargiveer vanaf die oorspronklike op 31 Desember 2011. Besoek op 8 November 2011.
- ↑ "Liberty completes F1 acquisition", formula1.com, 27 Januarie 2017. URL besoek op 14 April 2017.
- ↑ (en) David Tremayne, Formula One: A Complete Race by Race Guide, 1996, [1], nagegaan op 2008-03-01, Eerste Uitgawe, Parragon Book Service, Avonmouth, Bristol, Verenigde Koninkryk, ISBN 0-7525-1762-7, bl. 8
Eksterne skakels
wysig
Wikimedia Commons het meer media in die kategorie Bernie Ecclestone.
