Maak hoofkeuseskerm oop

Stanley John (Bertie) Reed (19 Januarie 1943 - 18 Desember 2006) is ’n voormalige Suid-Afrikaanse seiljagvaarder. Hy is in Port Elizabeth, Suid-Afrika, gebore en het in sy seilloopbaan van 20 jaar meer as 170 000 seemyle tydens wedvaarte afgelê, waarvan meer as 100 000 seemyle as alleenvaarder.

Bertie Reed
’n Beeld van die betrokke persoonlikheid.
’n Borsbeeld van Bertie Reed in Kaapstad.

Bynaam Biltong Bertie
Geboortenaam Stanley John Bertie Reed
Gebore 19 Januarie 1943
Port Elizabeth
Oorlede 18 Desember 2006
Kaapstad
Nasionaliteit Suid-Afrika
Beroep Seiljagvaarder
Bekend vir Seil om wêreld, reddingsdaad
Huweliksmaat Pat
Kind(ers) 4

Sy alleenvaartloopbaan het in alle êrens begin toe hy in 1982 die eerste BOC-alleenvaart om die wêreld op voorgee wen en tweede oor die eindstreep was op die Altech Voortrekker-seiljag. Dit het hom 170 dae, 16 uur en 51 minute geneem om die roete te voltooi teen ’n gemiddelde spoed van 6,61 knope. Dit was ’n nuwe rekord vir seiljagte kleiner as 15,5 meter en het die vorige rekord van 224 dae deur David Scott-Cowper op Outward Bound verbeter.

Reed word ook veral onthou vir die manier waarop hy sy landgenoot John Martin in ’n hewige storm naby die Suidpool gaan red het nadat Martin se boot ’n ysberg getref het. Vir sy reddingspoging is Reed destyds deur oudpresident FW de Klerk vereer vir sy uitsonderlike seemanskap, dapperheid en sportmanskap.[1]

In 1991 het Reed die eerste Suid-Afrikaner geword wat drie keer alleen om die wêreld geseil het. Op 17 Desember 2006 is hy in die VSA vereer in die heldesaal van die seilmuseum in Newport, Rhode Island.[2]

Bertie is in 1968 met Pat getroud en hulle het vier kinders gehad. Hy is op 18 Desember 2006 aan kanker oorlede.

VerwysingsWysig