Bespreking:Daar doer in die bosveld

Jongste opmerking: 5 jaar gelede deur Oesjaar in onderwerp Kamera van Jamie Uys se eerste film

Kamera van Jamie Uys se eerste film wysig

Ek is byna honderd persent seker dat Jamie se rolprentkamera vir hierdie eerste fliek van hom 'n Paillard-Bolex was en nie Kodak nie, hoewel hy, dink ek, Kodachrome-kleurfilm gebruik het. Kry egter geen bron wat dit bevestig nie. Weet nietemin dat dit beslis die 16 mm-formaat was, want ek was as jong seun so naby aan 'n projektor met 'n afdruk dat ek daaraan kon raak. Raath Films (gestig deur Jannie Raath, die klavierleermeester) het boonop die fliek landwyd op toer geneem om in stadsale, ens. vertoon te word, want die formaat was te klein vir die gewone fliekteaters met hul 35 mm-projektors. Ek wonder voorts of die rolprent in daardie jare selfs R6 000 kon gekos het om te maak. Bes moontlik nie die verfilming self nie, want die Kodachrome-film vir "home movies" was, glo ek, nie so duur nie. Maar ek weet dat hy die oorspronklike film (wat eintlik as sy "negatief" moes dien) eers moes laat behandel om die krapmerke toe te smeer, terwyl die byvoeging van klank hom seker 'n hele paar pond uit die sak moet gejaag het. --Mieliestronk (kontak) 19:29, 3 Desember 2018 (UTC)Beantwoord

Dit is voorwaar interessant! Groet! Oesjaar (kontak) 19:32, 3 Desember 2018 (UTC)Beantwoord
Terug na "Daar doer in die bosveld"-bladsy.