Bespreking:KwaZulu-Natal/Argief 1

Hierdie titel is op die oomblik nie die Standaardafrikaans (AWS s'n) nie. Hulle gebruik KwaZulu-Natal. Die hoofletter-Z in die middel van die woord kom uit die Zoeloe-ortografie, en is natuurlik netso oorgeneem vir die Engels. Ons was tot dusver redelik konsekwent (dink ek) om Zoeloe te skryf eerder as Zulu (met verwysing na die taal+kultuur) alhoewel die AWS altwee toelaat. Die hoofletter in KwaZulu is bietjie vreemd in Afrikaans, maar ons het immers tog ook vanne soos McWatookal in die land wat ons ken. Sou mense dus te vinde wees vir iets soos KwaZoeloe(-Natal) of Kwazoeloe? Dit het nie die AWS se seën nie, maar pas beter in by wat ons tot dusver hier gedoen het met Zoeloe, bv. Deur meer "Afrikaanse" spellings van goeters te gebruik (ten minste waar daar 'n keuse is) gee ons die geleentheid om beter te doen op soekenjins omdat ons dan nie kompeteer met Engelse resultate nie. Nou is ek sommer nuuskierig om te hoor wat mense sê. Daar is sekerlik niks verkeerd met 'n skuif na die (standaard) KwaZulu-Natal nie. --Alias 22:05, 3 Februarie 2007 (UTC)

Die Nederlandse Wikipedia gebruik ook KwaZoeloe-Natal. Ek dink ons kan gerus die Afrikaanse skryfwyse gebruik. --Voyageur 22:18, 3 Februarie 2007 (UTC)

Voyageur, ek wil net seker maak dat ek jou nie verkeerd verstaan nie. Stel jy dus "KwaZoeloe-Natal" voor? --Alias 08:54, 4 Februarie 2007 (UTC)

As ons van Zulu na Zoeloe skuif dink ek ons moet die hoofletter Z behou. Streng gesproke dink ek plekname val eintlik nie onder AWS nie. Laurens 10:09, 4 Februarie 2007 (UTC)

Dis alles goed en wel, maar ons kan nie in 'n artikel met die naam KwaZoeloe-Natal herhaaldelik verwys na KwaZulu-Natal nie. Ek verander dit sommer en as iemand beswaar het moet hy/sy maar terug rol. 09:02, 7 Desember 2007 (UTC)

Hierdie titel is verkeerd volgens HAT en Pharos se tweetalige woordeboek en al die ander bronne wat ek geraadpleeg het! Ons skryf tog immers ook (nie meer) Khôsa of Sesoetoe of Lesoetoe of Roeanda of Boeroendi of Oeganda nie... Morne (kontak) 16:59, 14 September 2008 (UTC)

En wat dan van Mpoemalanga? Sodra mens jou eie reëls opmaak, loop jy jou kort voor lank in probleme vas waaroor die kenners van die Taalkommissie lank en hard nagedink het. Morne (kontak) 17:08, 14 September 2008 (UTC)

Ek dink ons moet hou by Standaardafrikaans al hou ek van spellings wat Afrikaans is. --RAM (kontak) 17:00, 15 September 2008 (UTC)

Hoe gaan die aansture dan werk. Ek sal dit elders gaan soek en regmaak. Morne (kontak) 17:10, 15 September 2008 (UTC)

Die Korrekte Woord (HJJM vd Merwe):

• "Zoeloe: erkende vorm as naam vir die nasie, maar minder-wetenskaplik vir die taal, waarvoor Zulu 'n beter vorm is - volgens die Woordelys."
• "Bantoebenaminge: "...Zoeloe|-s (gelukkig het die S-vorm verdwyn!) word erken vir sowel die ras as die taal, maar die Taalkommissie beskou Zulu as 'n meer wetenskaplike benaming vir die taal."
  • Ek hoop hierdie help ons om 'n besluit te neem? Die boek is voor die aanvang van die moderne Suid-Afrika geskryf, so dit bespreek nie die naam van die provinsie nie. — Adriaan90 (Bespreking • Bydraes) 18:38, 15 September 2008 (UTC)

Ek reken ons moet maar bly by Pharos en die HAT se reëls. Dus: KwaZulu-Natal. Morne (kontak) 20:39, 15 September 2008 (UTC)

In my afrikaans atlas (2002) it says :KwaZulu-Natal, but the ethnic group and language is zoeloe Bezuidenhout (kontak) 19:15, 6 Oktober 2008 (UTC)