Bespreking:Vlag van Afghanistan

Nuwe vlag (2021)

@Puvircho sal jy dalk die bladsy verbeter. Die bladsy is verouderd, en het nie die nuutste inhoud oor die nuwe vlag sedert die Taliban weer oorgeneem het in 2021 nie. Ek het probeer om die kantbalk op datum te bring, maar vlae is nie my sterkpunt nie. - Rooiratel (kontak) 12:03, 8 April 2024 (UTC)

Let op dat die internasionale gemeenskap nie die nuwe regering erken nie. Trouens gebruik die meeste Afghaanse nasionale spanne (of al die spanne?) steeds die ou Afghaanse vlag. Sodra hulle na die nuwe vlag oorskakel, is hulle internasionale deelname kwyt. Die meeste nasionale spanne sal nooit teen 'n nasionale span onder die Talibanvaandel wil speel. Sien onder andere Afghaanse nasionale krieketspan#Kleure. Vir sokker geld dieselfde. Groete. --  SpesBona 20:50, 9 April 2024 (UTC)

Dit is interessant, maar die voormalige regering het formeel die regering van die land oorgegee aan die Taliban. Ek weet meeste mense hou niks van die Taliban nie, (ek ook nie!) maar hulle is die amptelike regering van Afganistan. - Rooiratel (kontak) 08:34, 12 April 2024 (UTC)

Die politiek van Afganistan is ingewikkeld, maar ek dink dit is veilig om te sê dat Ashraf Ghani se regering glad nie meer in beheer is nie. - Rooiratel (kontak) 08:40, 12 April 2024 (UTC)

Die ou Afghaanse regering is nou in ballingskap en hulle net nooit aan die Taliban oorgegee nie, sien en:Government-in-exile#Deposed governments of current states. As hulle oorgee, sal die Taliban hulle as "ongelowiges" en "verraaiers" vermoor. Onthou, hulle het met die VSA saamgewerk, die ergste vyand van die Taliban, vir hulle gelykstaande aan die "duiwel". Die vlug uit Afghanistan was wyd en syd in die Duitse nuus, aangesien ons soldate sedert 2001 ook daar betrokke was. Nog voor Mali was dit ons gevaarlikste missie en mees omstrede ooit. Ons Bundeswehr is 'n parlementsleër en elke liewe missie word in die Bundestag gedebatteer, wat almal regstreeks en aanlyn kan kyk. As gevolg van die missie het Duitsland baie Afghane opgeneem, wat met die ou regering saamgewerk het en hulle kan nie na Afghanistan terugkeer nie, aangesien die Taliban hulle dadelik sal vermoor. Hier 'n klomp bronne dat die Afghaanse regering gevlug het en nie oorgegee het nie: [1], [2], [3], [4]. Ashraf Ghani is/was die president van Afghanistan en die artikel vermeld niks van 'n oorgawe nie, dieselfde geld vir die adjunkpresident Amrullah Saleh. Self die Verenigde Nasies gebruik die ou Afghaanse vlag. Groete. --  SpesBona 20:30, 12 April 2024 (UTC)

Dan het ek die nuus verkeerd onthou, maar nou ja dit bly vir my 'n interessante vraag. Die ou regering is glad nie in beheer van die land nie, so hoe kan hulle sê wat die vlag is? Mense kan sê dat hulle die regte of amptelike regering is, maar as die ou regering niks kan afdwing nie, hoe amptelik is dit dan regtig? - Rooiratel (kontak) 12:38, 23 April 2024 (UTC)