Bewonder & Bewaar met Bonné de Bod
Bewonder & Bewaar met Bonné de Bod is 'n Suid-Afrikaanse televisie-natuurreeks wat geskep is deur die bekroonde span: die televisie-aanbieder en vervaardiger, Bonné de Bod en regisseur Susan Scott en uitgesaai is op kykNET. In die reeks word plaaslike en buitelandse natuurnavorsers se baanbrekersprojekte getoon en word daar ook meer uitgevind oor die mens agter die navorsing.
| Bewonder & Bewaar met Bonné de Bod | |
| Genre | Natuurprogram |
|---|---|
| Geskep deur | Bonné de Bod Susan Scott |
| Geskryf deur | Bonné de Bod en Susan Scott |
| Geregisseer deur | Susan Scott |
| Aangebied deur | Bonné de Bod |
| Oorsprong | Suid-Afrika |
| Taal | Afrikaans |
| Aantal episodes | 13 |
| Produksie | |
| Vervaardiger(s) | Bonné de Bod, Susan Scott |
| Uitsending | |
| Oorspronklike kanaal | kykNET |
| Oorspronklike lopie | 17 Julie 2022 – 9 Oktober 2022 |
Die duo wat wyd bekroon is vir hulle dokumentêre rolprente, STROOP: Journey into the Rhino Horn War en Kingdoms of Fire, Ice & Fairy Tales, en gesamentlik meer as 55 benoemings en toekennings as aanbieder, vervaardigers en regisseur het,[1] het verskeie wildernisgebiede in Suid-Afrika, Namibië en Argentinië besoek en natuurnavorsingsprojekte op kamera vasgelê. [2]
De Bod gesels met bewaringswetenskaplikes, veeartse en navorsers om nie net aan die kyker die projekte te toon nie, maar ook dieper te delf om die passie, persoonlikheid en mens agter elke navorser wat hul bestaan in die natuur voer, na vore te bring.[1]
In 'n onderhoud met Maroela Media, verduidelik De Bod dat dit haar rol is om storieverteller te wees en dat haar doelwit met die reeks was om iets met mense te deel wat hoop skep.
"Ek wil dit wat my in die natuur verstom laat staan op 'n suksesvolle manier oorvertel. Hoewel ek nie 'n wetenskaplike is nie, is 'n liefde vir bewaring diep in my hart gewortel, en ek dink baie kykers voel dieselfde."
Sy voeg by dat sy te midde van moeilikhede en probleme wêreldwyd, kykers die geleentheid wil gee om te ontspan en na 'n inspirerende en positiewe televisieprogram te kyk.[3]
Eerste seisoen
wysigDie reeks het bestaan uit dertien episodes waarvan die eerste op Sondag, 17 Julie 2022 op kykNET uitgesaai is, en die laaste op Sondag, 9 Oktober 2022 [4]
Episode 1: Wildehonde
wysigDe Bod vind uit waarom die Kruger Nasionale Park se wildehonde 'n sagte plekkie in staatsveearts, dokter Louis van Schalkwyk, se hart het en sien ook die tegnologie wat hy help ontwikkel het met betrekking tot wildehonde.[1] [2]
Episode 3: Poemas
wysigIn hierdie episode is die poemas van Patagonië ter sprake. De Bod vertel in 'n Maroela Media-onderhoud dat sy nog altyd daarvan gedroom het om hierdie sku kat in die natuur te sien, iets wat bykans onmoontlik is. Toe dr. Emiliano Donadio, 'n poema-navorser, haar nooi om by hom in Patagonië te gaan kuier, het sy die kans aangegryp. Op hul tweede laaste oggend by Donadio het sy en Scott wel die rare kans gekry om 'n poema te sien toe dit in een van die navorsingstrikke beland het, 'n hoogtepunt vir De Bod. Hulle moes oor moeilike terrein beweeg om by die poema uit te kom sodat 'n nekband aangesit kon word vir wetenskaplike navorsing.[3]
Episode 6: Woestynleeus
wysigHierdie episode handel oor Namibië se woestyn-aangepaste leeus, hul beskermer, doktor Philip Stander, wat dié leeus al vir meer as 35 jaar bestudeer[5] en baanbrekersontdekkings aan die Skedelkus. [1] [2]
Episode 7: Fynbos
wysigDoktor Martina Treurnicht vertel meer oor een van Suid-Afrika se botaniese wonders, naamlik die fynbos van die Kaapprovinsie.[1] [2]
Episode 8: Guanacos
wysigNavorser Emanuel Galetto van Patagonië wys dat om 'n nekband vir 'n guanacos, 'n Suid-Amerikaanse dier wat nou verwant is aan die lama, aan te sit, makliker gesê as gedaan is.[1] [2]
Episode 9: Pikkewyne
wysigDe Bod pak die seereis Dasseneiland toe aan waar sy by navorser, Albert Snyman, en sy span van SANCCOB (Southern African Foundation for the Conservation of Coastal Birds) aansluit wat 'n weeklange taak het om Afrika-pikkewyne met transpondeerders toe te rus vir navorsing. .[1] [2]
Verwysings
wysig- ↑ 1,0 1,1 1,2 1,3 1,4 1,5 1,6 "Bewonder & Bewaar met Bonné de Bod". www.dstv.com. 2 Junie 2022.
- ↑ 2,0 2,1 2,2 2,3 2,4 2,5 Engelbrecht, Renate (3 Junie 2022). "'Bewonder en Bewaar met Bonné de Bod' to air on kykNET in July". www.citizen.co.za (in Engels).
- ↑ 3,0 3,1 Steyn-Bezuidenhout, Christa (31 Julie 2022). "Luister:Reis saam met Bonné de Bod in 'Bewonder en bewaar'". maroelamedia.co.za.
- ↑ Steyn-Bezuidenhout, Christa (8 Augustus 2022). "Video: Bonné de Bod se 'Bewonder en bewaar'–hoogtepunte". maroelamedia.co.za.
- ↑ Kirby, Sally (9 Februarie 2018). "Flip Stander: friend of the lion, champion of all that is right and proper". journeysbydesign.com (in Engels).