Bhojpuri

Bhojpuri ; 𑂦𑂷𑂔𑂣𑂳𑂩𑂲
Uitspraak:	[ˈbʱoːdʒpʊriː]
Gepraat in:	Fidji; Indië; Mauritius; Nepal; Suid-Afrika
Gebied:	Suid-Asië
Totale sprekers:	40 miljoen
Taalfamilie:	Indo-Europees; Indo-Irannees; Indo-Aries; Oos-Indo-Aries; Bihari; Bhojpuri
Skrifstelsel:	Kaithi
Amptelike status
Amptelike taal in:	Fidji (as Fidjiaanse Hindi); Indië Jharkhand; ; Nepal
Gereguleer deur:	geen
Taalkodes
ISO 639-1:	geen
ISO 639-2:	bho
ISO 639-3:	bho
	Nota: Hierdie bladsy kan IFA fonetiese simbole in Unicode bevat.

Bhojpuri (𑂦𑂷𑂔𑂣𑂳𑂩𑂲, luister (hulp·inligting)) is 'n Indo-Ariese taal wat deur sowat 40 miljoen mense in Noord-Indië, Mauritius en Nepal gepraat word. Dit word hoofsaaklik in die Indiese deelstate Uttar Pradesh, Bihar en Jharkhand asook in Guyana, Mauritius, Suriname en Fidji gepraat. Bhojpuri word in Kaithi en Tirhuta geskryf, twee Brahmi-skrifte uit die Indiese skriffamilie, asook in Nastaliq, 'n Perso-Arabiese skrif.

Bhojpuri behoort tot die Bihari-tale, d.w.s. tale wat nou verwant is aan Hindi en soms as dialekte van dié taal beskou word. Die Bihari-tale vorm 'n dialekkontinuum wat 'n presiese afbakening van enkele tale moeilik maak. Sedert Maart 2018 is Maithili een van die Indiese deelstaat Jharkhand se ampstale.^[2] Aangesien alle inheemse moedertale van Nepal as nasionale tale erken word, dien Bhojpuri as een van Nepal se baie nasionale tale.

Bhojpuri word ook in Pakistan, Jamaika, Belize, dele van die Karibiese gebied en Suid-Afrika gepraat. Karibiese Hindoestani én Fidjiaanse Hindi het uit beide Awadhi en Bhojpuri ontwikkel. Fidjiaanse Hindi dien saam met Engels en Fidjiaans as die ampstale van die eilandnasie Fidji.^[3]