Wikipedia

Blou en Wit (Israeliese party)

(Aangestuur vanaf Blou en Wit)

Blou en Wit (Hebreeus: כָּחוֹל לָבָן‎ Kaḥol Lavan) is 'n liberale en midde-nasionalisties politieke alliansie in Israel. Dit word tans deur Benny Gantz gelei.[1][2]

Blou en Wit
Logo van die betrokke party.
Leier Benny Gantz
Slagspreuk Benny. Kies eerlikheid (2021)
Gestig 21 Februarie 2019
Samesmelting van Israeli Veerkragtigheidsparty (2019–hede)
Telem (2019–2020)
Yesh Atid (2019–2020)
Hoofkwartier Tel Aviv
Webblad kachollavan.org.il

Die alliansie is in Februarie 2019 deur die Israeli Veerkragtigheidsparty, Telem en Yesh Atid gestig om in die verkiesing van April 2019 te staan om die destydse Israeli eerste minister Benjamin Netanyahu uit sy amp te verslaan.[3] Blou en Wit definieer homself as 'n pluralistiese alliansie wat alle burgers ongeag hulle politieke en godsdienstige spektrum verteenwoordig. Die frase "blou en wit" verwys na die kleure van die Israeliese vlag en word in die volksmond gebruik om iets as tipies Israelies te beskryf.[4]

Na die verkiesing in Maart 2020, is Benny Gantz, die leier van Blou en Wit, die taak opgelê om 'n nuwe regering te vorm nadat 61 Knesset-lede, 'n meerderheid, vir hom die groen lig gegee het om so te doen.[5] Te midde van die COVID-19-pandemie, is Gantz gekies om as die tussentydse voorsitter van die Knesset te dien terwyl hy met Benjamin Netanyahu onderhandel het om 'n koalisieregering te vorm.

Die gevolg was 'n verbrokkeling van die Blou en Wit alliansie.[6] Yesh Atid en Telem het op 29 Maart 2020 van die alliansie af weggebreek om 'n aparte faksie in die Knesset te vorm.[7] Op 20 April is 'n koalisie-ooreenkoms met Likoed onderteken waarin Netanyahu eers as eerste minister sou dien, en Gantz, leier van Blou en Wit, vanaf Oktober 2021 as eerste minister sou dien, asook om die party ministeriële portefeuljes te gee, soos die minister van verdediging en minister van buitelandse sake.[8]

Hierdie ooreenkoms is egter nooit bereik nie, want die koalisieregering het in Desember 2020 in duie gestort ná 'n groot begrotingsgeskil, wat tot nuwe verkiesings in Maart 2021 gelei het waarin Blou en Wit net agt setels kon wen.[9]

Verwysings wysig

  1. ↑ Halbfinger, David M. (21 Februarie 2019). "2 Israel Centrists, Benny Gantz and Yair Lapid, Join Forces Against Netanyahu". The New York Times (in Engels (VSA)). ISSN 0362-4331. Besoek op 30 Mei 2019.
  2. ↑ Mandel, Eric R. (4 Februarie 2019). "Spotlight on Moshe 'Bogie' Ya'alon". The Jerusalem Post. Besoek op 4 Februarie 2019.
  3. ↑ Staff writer. "United Gantz-Lapid party to be called 'Blue and White'; no women in top 6". The Times of Israel (in Engels (VSA)). Besoek op 21 Februarie 2019.
  4. ↑ מילוג המילון העברי החופשי – כחול לבן פירושים (in Hebreeus). Besoek op 26 Maart 2019.
  5. ↑ Wootliff, Raoul (15 Maart 2020). "Rivlin to task Gantz with forming government after he receives 61 endorsements". The Times of Israel. Besoek op 17 Maart 2020.
  6. ↑ Hoffman, Gil (26 Maart 2020). "Blue and White splits as unity deal with Likud approaches". The Jerusalem Post. Besoek op 26 Maart 2020.
  7. ↑ Raoul Wootliff (29 Maart 2020). "Knesset panel okays breakup of Blue and White; Gantz keeps name". The Times of Israel. Besoek op 29 Maart 2020.
  8. ↑ Gil Hoffman (21 April 2020). "The deal is done: Netanyahu, Gantz ink coalition pact". The Jerusalem Post. Besoek op 21 April 2020.
  9. ↑ "תוצאות האמת של הבחירות לכנסת ה-24 תוצאות ארציות תוצאות סופיות רשמיות‏". Central election committee (in Hebreeus). 31 Maart 2021. Geargiveer vanaf die oorspronklike op 1 April 2021. Besoek op 31 Julie 2021.


Ontsluit van "https://af.wikipedia.org/w/index.php?title=Blou_en_Wit_(Israeliese_party)&oldid=2497044"