Bobslee

Bobslee is 'n sport wat tydens die Olimpiese Winterspele beoefen word waartydens deelnemers met 'n vaartbelynde slee teen 'n ysbaan afgly. Die sport se naam is van die Engelse werkwoord to bob afgelei, wat beteken om op en af te beweeg. Deelnemers beweeg hulself op die regte plekke vorentoe en agtertoe om te versnel.

Die bobslee-wêreldbeker van 2011 in Innsbruck

Piktogram wat Bobslee aandui

Twee bobslee-jaers bou spoed op voordat hulle in hulle slee spring

Die slee gly op twee onafhanklike pare lopers, waarvan die voorste paar gedraai kan word. Daar is twee- en vierpersoon bobsleë wat op aangelêde bane met verhoogde draaie gebruik word. Voorskrifte ten opsigte die gewig van die slee en deelnemers verhoed dat die resultate van die wedstryde deur die gesamentlike massa van die slee en deelnemers bepaal word.

Moderne bane word van beton gemaak en met ys bedek. Kunsmatige bobsleebane is ook beskikbaar.

Internasionale bobslee-kompetisies word deur die Federation Internationale de Bobsleeën et de Tobogganing (FIBT) georganiseer.

Eksterne skakels

• Wikimedia Commons het meer media in die kategorie Bobslee.
• (en) Webtuiste van FIBT, die beheerliggaam