Braam en die engel

Braam en die engel is 'n kinderverhaal deur Marietjie de Jongh. Dit is vir die eerste keer in 1991 uitgegee deur Tafelberg Uitgewers (Kaapstad). Die verhaal bied 'n satiriese blik op die ellendes van die moderne wêreld, wat metafories in die verhaal voorgestel word.

Verhaal wysig

Hnnerik is 'n pasaangestelde streeksengel wat op 'n missie gestuur is: hy moet keer dat die inwoners van Wale "van ellende vergaan". In Wale ontmoet hy Braam en saam vertrek die twee op 'n reis wat hulle deur talle dorpe met verskillende uitdagings en ellendes sal neem.

Kommersiële sukses wysig

"Braam en die engel" was nie baie suksesvol nie: volgens die uitgewer, Louise Steyn, het dit "soos 'n klip gesink". Haar mening is dat die boek te goed was vir Afrikaanse lesers.[1]

Toekennings wysig

"Braam en die engel" het die Alba Bouwerprys vir Kinderliteratuur in 1992 gewen - dit het die eersteplek gedeel met Droomwa deur Barrie Hough. Dié toekenning word deur die Suid-Afrikaanse Akademie vir Wetenskap en Kuns gemaak en word elke derde jaar toegeken.[2][3] Die verhaal het ook 'n "eervolle vermelding" tydens die C.P. Hoogenhout-prys in 1992 gekry ("Droomwa" het die toekenning gewen).[4]

Vertalings wysig

"Braam en die engel" is in 1995 in Engels uitgegee as Brahm and the Angel, ook deur Tafelberg Uitgewers. Die vertaling is deur Michiel Heyns behartig.

Verwerkings wysig

Die verhaal is oor 'n tydperk van ses jaar deur Barbara Poggemiller na 'n toneelstuk verwerk. Brahm and the Angel is in 2005 in die D.B. Clarke teater in Montreal, Kanada opgevoer - Poggemiller het ook as regisseur waargeneem.[5] Die toneelstuk het in dieselfde jaar ook die MECCA (Montreal English Critics Circle Award) se "spesiale beoordelaarstoekenning" (Special Jury Award) gewen - die kategorie is geskep vir toneelstukke wat nie in enige ander kategorie pas nie.[6]

Verwysings wysig

  1. Onderhoud met Louse Steyn by Roekeloos.co.za. se "Boekrak". Laaste besoek 7 Maart 2007.
  2. Alba Bouwer-pryswenners Geargiveer 27 September 2007 op Wayback Machine by Storiewerf. Laaste besoek 7 Maart 2007.
  3. Alba Bouwer-pryswenners Geargiveer 21 Junie 2008 op Wayback Machine by die Children's Literature Research Unit. Laaste besoek 7 Maart 2007.
  4. C.P. Hoogenhout-pryswenners Geargiveer 9 Februarie 2007 op Wayback Machine by die Children's Literature Research Unit. Laaste besoek 7 Maart 2007.
  5. Country of angels, artikel in die Montreal Mirror oor die toneelstuk Brahm and the Angel. Laaste besoek 7 Maart 2007.
  6. The road to the MECCAs - 2005, lys van die MECCA-wenners in 2005. Laaste besoek 7 Maart 2007.