Breëblaarsuikerbos
Die breëblaarsuikerbos (Protea eximia) is 'n blomdraende struik wat aan die bekende Proteagenus behoort. Die spesie is endemies aan Suid-Afrika en is deel van die fynbosbioom. Dit kom voor in Keeromsberg naby Worcester, langs die Langeberg, Outeniekwa- en Tsitsikammaberge tot by Van Stadensberg naby Gqeberha. Dit word ook gevind op die Waboomsberg, Rooiberg, Swartberg, Kammanassieberge en Kougaberge, asook Strydomsberg. Die plant groei regop, word 5 m hoog en blom van Julie tot Desember met die hoogtepunt van Augustus tot Oktober.
| Breëblaarsuikerbos | |
|---|---|
| |
Wetenskaplike klassifikasie 
| |
| Domein: | Eukaryota |
| Koninkryk: | Plantae |
| Klade: | Tracheofiete |
| Klade: | Angiospermae |
| Klade: | Eudicots |
| Orde: | Proteales |
| Familie: | Proteaceae |
| Genus: | Protea |
| Spesie: | P. eximia
|
| Binomiale naam | |
| Protea eximia (Salisb. ex Knight) Fourc., (1932)
| |
| Sinonieme | |
| |
Die plant gaan dood nadat dit gebrand het maar die sade oorleef. Die saad word in 'n doppie geberg en deur die wind versprei. Die plant is eenslagtig. Bestuiwing vind plaas deur die werking van voëls. Die plant groei in sandsteen en kwartsietgrond op hoogtes van 0 - 1 000 m.
Hierdie boom se FSA-nommer is 88.3.[1] In Engels staan dit as die Broad-leaf sugarbush bekend.
Galery
wysig
Sien ook
wysigBronnelys
wysigVerwysings
wysigEksterne skakel
wysig
Wikimedia Commons het meer media in die kategorie Breëblaarsuikerbos.
