Bridewell-paleis
Bridewell-paleis (Engels: Bridewell Palace) in Londen, wat oorspronklik ’n woning vir koning Hendrik VIII van Engeland was, het later ’n verbeteringhuis en tronk geword. Die naam "Bridewell" het daarna sinoniem geraak met polisiekantore en plekke van aanhouding in Engeland en ander lande.
.jpg)
Geskiedenis
wysigDie paleis is aan die oewer van die Fleet-rivier op die terrein van die Middeleeuse St. Bride's Inn gebou vir koning Hendrik VIII, wat tussen 1515 en 1523 daar gewoon het. Dit is genoem na ’n nabygeleë put wat aan sint Brigida opgedra is. ’n Pouslike afvaardiging het in 1528 voorlopige vergaderings hier gehou om die koning se egskeiding van sy eerste vrou, Catharina van Aragon, te bespreek.
In 1553 het Eduard Edward VI die paleis aan die City of London (in Sentraal-Londen) gegee om as huisvesting vir straatkinders en die straf van "wanordelike vroue" te gebruik.
Die paleis is in 1556 in ’n tronk, hospitaal en verbeteringhuis omskep. Die naam "Bridewell" is ook gebruik vir ander tronke in Londen, soos die Clerkenwell Bridewell (wat in 1615 geopen is) en Tothill Fields Bridewell in Westminster. Soortgelyke instellings regdeur Engeland, Ierland en Kanada,[1] sowel as in die Verenigde State,[2] het ook die naam gebruik. Deesdae verwys die term "bridewell" dikwels na ’n stad se hoofplek van aanhouding, gewoonlik naby ’n hofgebou, soos in Nottingham, Leeds, Bristol en Dublin.
Later is ’n skool op die terrein geopen. Die grootste deel van die gebou is in 1666 verwoes in die Groot Brand van Londen en dit is daarna herbou. In 1700 was dit die eerste tronk wat mediese personeel (’n dokter) aangestel het. Die skool het intussen na ’n ander terrein geskuif.
Verwysings
wysig
Hierdie artikel is vertaal uit die Engelse Wikipedia
- ↑ "argiefkopie". Geargiveer vanaf die oorspronklike op 12 April 2008. Besoek op 25 Maart 2012.
- ↑ Wines, Enoch Cobb; Dwight, Theodore William (1867). Report on the prisons and reformatories of the United States and Canada: made to the Legislature of New York, January, 1867. Van Benthuysen & Sons. p. 337, 547. Besoek op 24 Januarie 2011.
Prisons intermediate between the Common Jail and the State Prison […] receive different designations in the different states – house of correction, penitentiary, workhouse, bridewell and city prison. […] Illinois has a bridewell in the city of Chicago, managed by the common council of the same.
- Fielding, Henry. The History of Tom Jones, a Foundling, 1749.