Smaragbaber
Die smaragbaber (Brochis splendens), smarag brochis, smarag cory, groen baber, of kortlyfbaber, is 'n tropiese varswatervis wat aan die Corydoradinae sub-familie van die Callichthyidae-familie behoort. In Engels word die spesie die "Emerald cory" genoem. Brochis word onderskei van die pantserbaber weens hul langer dorsale vinne, met lang, stekelrige eerste strale.
| Smaragbaber (en) Emerald catfish | |
|---|---|
| |
| Wetenskaplike klassifikasie | |
| Koninkryk: | |
| Filum: | |
| Klas: | |
| Orde: | |
| Familie: | |
| Subfamilie: | |
| Genus: | |
| Spesie: | B. splendens
|
| Binomiale naam | |
| Brochis splendens (Castelnau, 1855)
| |
| Sinonieme | |
|
Callichthys splendens Castelnau, 1855 | |
Taksonomie
wysigDit is oorspronklik beskryf as Callichthys splendens, deur François Louis de la Porte, comte de Castelnau in 1855. Hierdie spesie word ook algemeen genoem Brochis coeruleus. W.A. Gosline was die eerste om te vermoed dat die twee spesies identies is in 1940, maar dit was eintlik Njiseen & Isbrücker in 1970 wat die twee gekombineer het nadat voldoende bewyse daarvoor gevind is.
Verspreiding
wysigDit kom in binnelandse waters in Suid-Amerika voor, en word gevind in die bolope van die Amasonerivier se opvanggebied. Dit sluit in die Ucayali-rivier, Pucallpa en Ambiyacu-riviere, rondom die Iquitos in Brasilië, Colombia, Ecuador en Peru.
Voorkoms en anatomie
wysigAfhangende van die hoek van beligting, weerspieël die vis se liggaam 'n metaalgroen, blougroen, of selfs `n blou kleur. Die ventrale area is gelerig met die bors, buik en anale vinne gelerig en die rug, stert, en vetvin `n deurskynende bruin. Die wyfies is groter en stewiger as die mannetjies, en het `n meer pienkerige maag, in teenstelling met die meer geel een vir die mannetjies. Hierdie vis kan onderskei word van die groen/brons Corydoras baber deur sy gewoonlik groter grootte, stewiger lyf en gepunte snoet.
Die vis bewoon stadigvloeiende water met 'n digte plantegroei langs die oewers. Dit kom voor in die vlak modderwaters en kan 'n lengte van tot 7,5 cm bereik. Dit woon in 'n tropiese klimaat in water met 'n pH van 5.8−8.0, 'n waterhardheid van 2−30 dGH, en 'n temperatuur van 22−28 °C (72−82 °F). Dit voed op wurms, bentiese skaaldiere en inseklarwes. Die wyfie lê haar eiers in digte plantegroei en die volwassenes bewaak nie die eiers nie.
In akwariums
wysigDie smaragbaber is 'n algemene spesie in varswater akwariums. Dit is 'n vreedsame, min veeleisende spesie en kan onder dieselfde toestande as die meeste Corydoras-spesies aangehou word. Hulle is skaam en voel maklik bedreig wanneer hulle as individue aangehou word, so dit is die beste in klein groepies van ten minste drie. Die tenk moet met sagte, fyn substraat uitgevoer wees, dit verhoed skade aan die barbels. Die tenk moet swaar beplant word. Voeding is nie moeilik nie en hulle aanvaar byna enigiets, maar lewendige wurms word veral verkies. Dit doen goed in 'n gemeenskapstenk en skeur nie plante stukkend nie.
Teling is beperk in akwariums. Gewoonlik moet die vis geskei word in 'n teeltenk. Die beste verhouding om te gebruik, is drie mannetjies vir elke twee wyfies, almal goed-gekondisioneer op lewendige voedsel. Die egpaar sal kuit skiet terwyl hulle op die bodem sit, nie geswem as talle soortgelyke spesies. In aanhouding, die wyfie versamel die eiers in haar bekkenvinmandjie en plaas hulle afsonderlik aan plante en ander voorwerpe. Eiers sal deur die wyfie in die hele tenk gedeponeer word, maar veral op drywende oppervlakplante. Volgens die meeste verslae, het die ouers nie dadelik probeer om die eiers te vreet nie. Die eiers broei oor vier dae uit en die vingerlinge swem vryelik rond twee dae later.
Sien ook
wysigSien ook
wysigVerwysings
wysig- ↑ http://www.scotcat.com/callichthyidae/b_splendens.htm
- ↑ Encyclopedia of Aquarium and Pond Fish (2005) (David Alderton) p. 121
| Hierdie artikel is in sy geheel of gedeeltelik vanuit Engelse Wikipedia vertaal. |
