Bronberg

Die Bronberg verwys na 'n aantal koppies en riwwe wat aan die oostekant van Pretoria geleë is. Dit is 'n landelike omgewing met onontwikkelde toerismepotensiaal. Nietemin kan 'n paar gastehuise en selfs 'n sterrewag op die berg tussen die klein 4-8 hektaar plotte in die omgewing gevind word.

Die natuurlike omgewing en dierelewe in die Bronberg word deur grootskaalse verstedeliking bedreig. Die Bronbergarea word beskryf as Bankenveld, 'n benaming wat gegee word aan die veldtipe wat die oorgang tussen die Hoëveld en die Bosveld aandui. Die 128 ha Faerie Glen Natuurreservaat bewaar die westelike eindpunt van hierdie heuwelreeks, en toegang hiertoe word vanuit January Masilela-rylaan (voorheen Generaal Louis Bothalaan) en Lynnwood Park verkry. Na die suidooste is die Bronbergbewaria geleë, wat uit ongeveer twintig plotte bestaan, en waar 'n verskeidenheid wild aangetref word.

Eksterne skakelWysig