Bruinskreeubaber
Die bruinskreeubaber (Synodontis zambezensis) is 'n varswatervis wat in riviere aan die ooskus van Afrika voorkom, vanaf die middelste en onderste gedeeltes van die Zambezirivier, suidwaarts tot by die Pongolarivier. Hulle kom egter nie in die boonste gedeelte van die Saverivierstelsel voor nie. In die Kaprivistrook staan die vis as die Zambeziknorvis bekend en in Engels as die Brown squeaker.
| Bruinskreeubaber | |
|---|---|
| |
Wetenskaplike klassifikasie 
| |
| Domein: | Eukaryota |
| Koninkryk: | Animalia |
| Filum: | Chordata |
| Klas: | Actinopterygii |
| Orde: | Siluriformes |
| Familie: | Mochokidae |
| Genus: | Synodontis |
| Spesie: | S. zambezensis
|
| Binomiale naam | |
| Synodontis zambezensis W. K. H. Peters, 1852
| |
Voorkoms
wysigDie bruinskreeubaber se kop is hard, die pantserplaat by die kieue vorm ‘n driehoek, maar is effens gerond onder. Hy het drie paar baarde; die buitenste is lank, die tweede paar raak die vinbasis, die binneste paar is kort, net sowat 1/3 in lengte van die tweede paar. Daar is 23-36 tande in die onderkaak.
Die punthoekige rugvin is heelwat langer as die stekel wat effens langer as die kop is. Die vetvin is goed ontwikkel en groter as by al die ander knorvisse. Die stertvin is goed ontwikkel en diep gevurk. Die anale vin is goed ontwikkel en driehoekvormig. Die buikvin is gepaard en goed ontwikkel. Die borsvin is gepaard, die stekels is sterk, skerp en met teenoorgestelde weerhakkies.
Bruinskreeubabers het die vorm van ‘n tipiese bodembewoner, hul is gebou soos ‘n haai.
Die waterkleur bepaal of die vis olyfbruin of donkergrys is, die kleur is ligter aan die onderkant. Die kleintjies het kolle wat verdwyn namate die vis groter word.
Die bruinskreeubaber word tot 430 mm lank en die Suid-Afrikaanse hengelrekord is 0,29 kg.
Habitat
wysigDie vis verkies diep en groot waters, hy gaan nie in klein stroompies of vlak water in nie. Hy vreet enigiets, vis, wurms, insekte, selfs bessies, mieliepitte en groente.
Algemeen
wysigDie vis maak ‘n knorgeluid en hy kan maklik met die Spikkel-skreeubaber verwar word. Let dan op sy korter pantserplaat, kort middelpaar baarde, groot vetvin en pertinent die vorm van sy rugvin.
Sien ook
wysigBron
wysig- A Complete Guide to the FRESHWATER FISHES of Southern Africa. Paul Skelton. 2001. ISBN 978-1-86872-643-1
- Hengel Visse in die Caprivi. Willem Botha. 1984.