Wikipedia

Buck Angel

Amerikaanse pornografiese akteur

Buck Angel (gebore op 5 Junie 1962) is 'n Amerikaanse pornografiese akteur, vervaardiger en seksopvoeder. Hy is die stigter van die mediaproduksiemaatskappy Buck Angel Entertainment. Hy is 'n transseksuele man en sê hy beskou homself nie as transgender nie.[1] Hy het in 2007 die AVN-prys vir transseksuele kunstenaar van die jaar ontvang, en werk nou as 'n kampvegter en opvoeder.

Buck Angel
'n Beeld van die betrokke persoonlikheid.
Angel in 2010.
Geboorte 05 Junie 1962 (1962-06-05) (61 jaar oud)
Los Angeles, Kalifornië, VSA
Beroep(e) Porno-ster, vervaardiger, aktivis, opvoeder
Aktiewe jare 1990-tans
Webwerf http://buckangel.com/
Toekennings AVN-prys vir transseksuele kunstenaar van die jaar (2007)

Angel was van 2010 tot 2016 op die direkteursraad van die Woodhull Freedom Foundation,[2][3] wat seksuele vryheid as 'n basiese mensereg voorstaan.[4]

Vroeë lewe wysig

Angel is op 5 Junie 1962 as 'n vrou[5] in Los Angeles gebore[6][7] en het 'n vrouenaam gekry.[8] Sy gender-atipiese gedrag as kind is tuis aanvaar, maar namate sy sekondêre geslagseienskappe ontwikkel het, het sy tuis- en skoollewe al hoe intenser geraak.[9]

Ná 'n selfmoordpoging op hoërskool het Angel se ouers hom vir terapie gestuur. Hy was egter onbewus van behandeling teen genderdisforie en het jare lank by sy vroulikheid probeer aanpas. Hy het eindelik 'n terapeut ontmoet wat sy gender bevestig het in plaas daarvan om hom as 'n lesbiër te beskou. Hy het verskeie metodes van gendertransisie nagevors en op 28 sy transisie begin.[8][10] Omdat daar destyds min mense, veral vroue, was wat hormoonvervangingsterapie ondergaan het, het sy dokter Angel "my proefkonyn" genoem.

Daarna het Angel op sy fisieke voorkoms begin fokus en sy borste chirurgies laat verwyder. Hy het afgesien van peniskunstruksie omdat hy besef het die tegnologie was destyds onvoldoende. Hy het dit nooit ondergaan nie en beskou nou sy transisie as afgehandel.[8][11] Hy het wel later 'n histerektomie ondergaan.[12]

Loopbaan wysig

 
Angel (middel) saam met Scott Spears (links) en Michael Brandon.

Angel het onder die naam Buck Angel Entertainment sy eie pornografieprente begin vervaardig en daarin gespeel. Teen dié tyd het hy as 'n man geïdentifiseer, maar nie peniskonstruksie ondergaan nie. Hy het hom beskryf as "the Man with a Pussy", en dit het sy handelsmerk geword.

In 2005 het hy verskyn in Titan Media se prent Cirque Noir. Hy was die eerste trans man wat in 'n prent met net mans gespeel het wat vervaardig is deur 'n maatskappy wat spesialiseer in gay pronografie.[13][14] In dieselfde jaar het hy gespeel in Allanah Starr's Big Boob Adventures (met die trans vrou Gia Darling as regisseur), die eerste prent wat 'n sekstoneel uitbeeld tussen 'n trans vrou (Allanah Starr) en 'n trans man.[15] Dié toneel en sy optrede in Buckback Mountain (2008) is vir AVN-pryse benoem. In 2007 was hy die eerste trans man wat die AVN-prys vir transseksuele kunstenaar van die jaar gewen het.[16]

 
Angel in 2007.

Angel se pornografiese werk was een van die boustene vir sy latere opvoedkundige demonstrasies. Hy word daarvoor geprys dat hy die waarnemings van seksualiteit en gender in beide die bedryf en die gedagtes van verbruikers verbreed het. Eindelik het sy pornografiese werk daartoe gelei dat hy 'n kampvegter geword het.[11]

In 2012 het Angel die pornobedryf begin verruil vir seksopvoedingswerk.[17] Hy het deur die wêreld begin toer om oor menslike seksualiteit te praat.[18] Sy demonstrasie, "Bucking the System",[19] het ten doel gehad om tradisionele idees van gender te redefinieer deur middel van die opvoeding van sy gehore oor gendervloeibaarheid en genderidentiteit. Angel het ook begin toer met 'n vraag-en-antwoordsessie oor sy dokumentêr Sexing the Transman,[20] en sy outobiografiese prent, "Mr. Angel".[21]

In Oktober 2010 het Angel tot die seksopvoeder en rubriekskrywer Dan Savage se "It Gets Better"-projek bygedra deur sy uitkomstorie op YouTube te plaas.[22] Hy het ook al verskeie openbarediensaankondigings gedoen oor die onderwerpe positiewe liggaamsbeeld, LGBTQ-familieaanvaarding, queer mense van kleur en transgenderwelsyn en -gesondheid.[23] Hy voed ook trans mans op oor veilige seks.

Tussen 2010 en 2015 het hy 'n bekroonde reeks oor die sekualiteit van trans mans vervaardig met die titel Sexing the Transman XXX.[24][25] In 2012 het hy 'n afspraakwebtuiste vir trans mans geskep met die naam BuckAngelDating.com,[26] omdat "daar steeds geen spesiale afspraakwebtuistes was wat in die behoeftes van trans mans voorsien het nie".[27]

In 2016 het Angel met Perfect Fit Brand saamgespan om 'n seksspeelding spesifiek vir trans mans te vervaardig. Die produk het ten doel om genderdisforie te verminder en trans mans te help om aansluiting te vind by hulle liggame en seksualiteit.[28]

Filmografie wysig

Pornoprente wysig

  • 2004: Buck's Beaver
  • 2005: The Adventures of Buck Naked
  • 2005: Cirque Noir
  • 2005: Allanah Starr's Big Boob Adventures
  • 2006: Buck Off
  • 2006: V for Vagina
  • 2006: The Buck Stops Here
  • 2007: Even More Bang for Your Buck Vol. 1
  • 2008: Even More Bang for your Buck Vol. 2
  • 2008: Buckback Mountain
  • 2009: Ultimate Fucking Club Vol. 1
  • 2009: Ultimate Fucking Club Vol.2
  • 2010–12: Sexing The Transman XXX Series
  • 2016: Girl/Boy (Evil Angel)

Dokumentêre wysig

  • 2008: NAKED
  • 2012: Sexing the Transman
  • 2013: Mr. Angel
  • 2016: The Trans List (HBO)
  • 2016: Finding Kim
  • 2016: BLOWN

Hoofstroommedia wysig

  • 1993: Porno for Pyros - "Cursed Female"
  • 2015: "Technical Difficulties of Intimacy"
  • 2016: Loki Starfish – "Shivers are Proof (Paris)"[29]

Verwysings wysig

  1. ↑ @BuckAngel (9 April 2019). "Transsexual is my identity and where I came from. [...] Transgender does not represent me" (Tweet) – via Twitter.
  2. ↑ Visco, Gerry (29 Maart 2006). "Porn star Buck Angel is a woman or a man or a transexual". New York Press. Geargiveer vanaf die oorspronklike op 11 November 2011. Besoek op 7 November 2011.
  3. ↑ "Buck Angel, the man with a pussy". Eros-zine.com. 20 Oktober 2011. Geargiveer vanaf die oorspronklike op 8 Julie 2008. Besoek op 7 November 2011.
  4. ↑ "About Us | Woodhull Freedom Foundation". www.woodhullfoundation.org. Geargiveer vanaf die oorspronklike op 17 November 2015. Besoek op 17 November 2015.
  5. ↑ Angel, Buck (25 Augustus 2020). "Tweet by Buck Angel". Twitter. Geargiveer vanaf die oorspronklike op 19 Desember 2021. Besoek op 17 Desember 2021.
  6. ↑ Matthew, Kirsten (2011). "Buck Wild". Dirty. No. 3 (3). Geargiveer vanaf die oorspronklike op 22 Junie 2013. Besoek op 4 Junie 2013.
  7. ↑ Angel, Buck (3 April 2019). "Our Story". www.facebook.com (in Engels). Geargiveer vanaf die oorspronklike op 31 Augustus 2019. Besoek op 8 Junie 2019.
  8. ↑ 8,0 8,1 8,2 "Buck Angel talks about life as a transsexual porn star". SBS Two. 10 Februarie 2014. Geargiveer vanaf die oorspronklike op 20 Desember 2015. Besoek op 30 September 2015.
  9. ↑ Nichols, Jerome Stuart. "An Interview with Buck Angel – Let's Talk About Sex #2". LTASEX. Geargiveer vanaf die oorspronklike op 22 Maart 2013. Besoek op 14 Maart 2013.
  10. ↑ Nichols, James Michael (17 Januarie 2016). "Buck Angel, 'The Man With A Vagina,' On The Role Sex Plays In Living Authentically". Huffington Post (in Engels (VSA)). Geargiveer vanaf die oorspronklike op 23 Mei 2017. Besoek op 16 Maart 2017.
  11. ↑ 11,0 11,1 Lynn, Logan (3 Junie 2013). "Pornographic Activism: The Rebranding of Buck Angel". Huffington Post (in Engels (VSA)). Geargiveer vanaf die oorspronklike op 2 Julie 2017. Besoek op 16 Maart 2017.
  12. ↑ [1]
  13. ↑ "Susie Bright's Journal : Buck Angel and the 100% Man Clit". Susiebright.blogs.com. 11 September 2006. Geargiveer vanaf die oorspronklike op 4 April 2020. Besoek op 7 November 2011.
  14. ↑ "Cirque Noir - gay porn DVD review at BananaGuide.com". Banana Guide. Geargiveer vanaf die oorspronklike op 15 Junie 2007.
  15. ↑ Taormino, Tristan (30 Augustus 2005). "Havin' Buck for Breakfast". The Village Voice. Geargiveer vanaf die oorspronklike op 12 Junie 2006. Besoek op 10 Junie 2006.
  16. ↑ "Buck Angel". IMDb. Geargiveer vanaf die oorspronklike op 30 Januarie 2016. Besoek op 18 Desember 2015.
  17. ↑ Hess, Amanda (19 September 2012). "Buck Angel, Porn's Most Famous Trans Man, Transitions to Sex Ed". Slate (in Engels (VSA)). ISSN 1091-2339. Geargiveer vanaf die oorspronklike op 18 November 2015. Besoek op 17 November 2015.
  18. ↑ Padva, Gilad (2014). Sensational Pleasures in Cinema, Literature and Visual Culture: The Phallic Eye. United States of America: Palgrave Macmillan. p. 99. ISBN 9781137363640.
  19. ↑ "Transgender motivational Speaker Buck Angel". Buck Angel® Pioneer, Filmmaker, Speaker, and Advocate The Official Fan Site! (in Engels (VSA)). Geargiveer vanaf die oorspronklike op November 17, 2015. Besoek op November 17, 2015.
  20. ↑ "Buck Angel's Sexing The Transman Sex Education". FTM Transman Documentary Film Sexing The Transman-A Film by Buck Angel (in Engels (VSA)). 22 Julie 2012. Geargiveer vanaf die oorspronklike op 19 November 2015. Besoek op 17 November 2015.
  21. ↑ "Mr. Angel". Brooklyn Film Festival. Geargiveer vanaf die oorspronklike op 18 November 2015. Besoek op 17 November 2015.
  22. ↑ It Gets Better–Buck Angel, https://www.youtube.com/watch?v=cPtr7sdgh-Y, besoek op November 22, 2015 
  23. ↑ "Public Service Announcements – Buck Angel LGBTQ Motivational Speaker, Filmmaker and Advocate". buckangelentertainment.com. Geargiveer vanaf die oorspronklike op 11 Maart 2015. Besoek op 22 November 2015.
  24. ↑ "Sexing The Transman XXX". Sexingthetransman.com. Geargiveer vanaf die oorspronklike op 30 Desember 2015. Besoek op 1 November 2013.
  25. ↑ "Sexing the Transman XXX - Feminist Porn Awards". Feminist Porn Awards (in Engels (VSA)). 22 Desember 2012. Geargiveer vanaf die oorspronklike op 17 November 2015. Besoek op 17 November 2015.
  26. ↑ "Buck Angel Launches Dating Site For Transgender Men". On Top Magazine. 1 September 2012. Geargiveer vanaf die oorspronklike op 25 September 2012. Besoek op 8 Junie 2013.
  27. ↑ "Buck Angel: Dating Technology for the FTM". The Huffington Post. 31 Augustus 2012. Geargiveer vanaf die oorspronklike op 7 November 2013. Besoek op 8 Junie 2013.
  28. ↑ "Buck Angel Teams With Perfect Fit Brand For FTM Pleasure Product". business.avn.com. Geargiveer vanaf die oorspronklike op 7 Junie 2016. Besoek op 8 Julie 2016.
  29. ↑ Loki Starfish channel (April 17, 2016), Loki Starfish - Shivers Are Proof (Official Video), https://www.youtube.com/watch?v=7NZBm63-97g, besoek op July 19, 2016 

Skakels wysig

Ontsluit van "https://af.wikipedia.org/w/index.php?title=Buck_Angel&oldid=2563130"