Wikipedia

Trans vrou

'n Trans vrou of transgender vrou is 'n vrou wie se geslag by geboorte as manlik bepaal is. Trans vroue het 'n vroulike genderidentiteit en kan genderdisforie ondervind, 'n ontsteltenis wat veroorsaak word deur die ongerymheid tussen hulle genderidentiteit en aangewese geslag by geboorte.[1]

Mela Habijan, die wenner van 2020 se Miss Trans Global-kompetisie.

'n Groot deel van mediese terapie vir trans vroue is behandeling met vroulike hormone, wat die ontwikkel aanhelp van vroulike sekondêre geslagseienskappe (borste, verspreiding van liggaamsvet, ensovoorts). Dit, saam met sosiale transisie en chirurugie, kan genderdisforie verlig.[2][3] Nes cisgender vroue, kan trans vroue enige seksuele oriëntasie hê.

Aansienlike diskriminasie staar trans vroue in die gesig – veral wat indiensneming betref – en hulle kan onderwerp word aan seksuele geweld en haatmisdade, insluitende van lewensmaats. In 'n land soos Amerika is diskriminasie weens transfobie en rassisme teen trans vroue veral erg as hulle lid van 'n minderheidsgroep is.

Die term "transgender vrou" is nie altyd sinoniem met "transseksuele vrou" nie, hoewel die terme soms afwisselend gebruik word. "Transgender" is 'n sambreelterm wat transseksuele mense kan insluit.

Terminologie wysig

 
Gay Pride Madrid, 2013.

Die sambreelterm "trans" is 'n verkorte vorm van beide transgender en transseksueel, en beskryf enigiemand wie se genderidentiteit nie ooreenstem met die geslag wat by geboorte aan hulle toegeken is nie. Trans vroue wat 'n vroulike voorkoms aanneem, word dikwels MtF genoem (van die Engelse male-to-female).[4]

Die term "transseksueel" het in die mediese en sielkundige wêreld ontstaan en stem baie ooreen met "transgender". Dit beskryf gewoonlik mense wat met genderdisforie geklassifiseer word en permanent van geslag wil verander deur middel van geslagsveranderingsterapie. Baie trans vroue verkies die terme "trans" of "transgender"; dit word beskou as meer insluitend en minder stigmatiserend.[5][6] 'n Mediaverwysingsgids raai mense aan om nie iemand "transseksueel" te noem nie, tensy hulle dit self verkies.[7]

"Transvroulik" is 'n breër term vir alle trans mense met 'n hoofsaaklik vroulike identiteit of genderuitdrukking en sluit trans vroue en niebinêre mense in wat by geboorte as manlik geklassifiseer is, maar 'n identiteit het wat deels, maar nie heeltemal nie, vroulik is.[8][9] Sommige trans vroue verkies om net "vroue" genoem te word.[10]

In verskeie Latyns-Amerikaanse lande word die woord travesti soms vir trans vroue gebruik. Dié woord is veel ouer in die streek. Die onderskeid tussen travesti en trans vroue is omstrede en kan wissel na aanleiding van die konteks. Soms word dit beskou as 'n streekekwivalent van die term "derde geslag".[11][12]

Seksualiteit wysig

Trans vroue wissel baie wat seksuele oriëntasie betref.[13][14] In 'n opname onder rofweg 3 000 Amerikaanse trans vroue is bevind 31% van hulle dink aan hulleself as biseksueel, 29% as "gay/lesbies/homoseksueel", 23% as heteroseksueel, 7% as aseksueel, nog 7% as "queer" en 2% as "ander".[15]

In 'n studie van 2008 is geen statisties aansienlike verskil in libido gevind tussen trans vroue en cisgender vroue nie.[16] Gewoonlik word geglo libido by vroue stem, net soos by mans, ooreen met testosteroonvlakke,[17][18] maar geen so 'n ooreenstemming is in die studie onder trans vroue gevind nie.[16][19]

Sien ook wysig

Verwysings wysig

  1. ↑ "Standards of Care for the Health of Transsexual, Transgender, and Gender Nonconforming People (version 7)" (PDF). The World Professional Association for Transgender Health. p. 96. Geargiveer vanaf die oorspronklike (PDF) op 24 September 2014.
  2. ↑ Beidel, Deborah C; Frueh, B. Christopher; Hersen, Michel (30 Junie 2014). Adult Psychopathology and Diagnosis (7th uitg.). New York: Wiley. p. 618. ISBN 978-1-118-92791-5. OCLC 956674391. Geargiveer vanaf die oorspronklike op 30 Maart 2019. Besoek op 12 Desember 2017.
  3. ↑ Köllen, Thomas (25 April 2016). Sexual Orientation and Transgender Issues in Organizations: Global Perspectives on LGBT Workforce Diversity. Springer. p. 138. ISBN 978-3-319-29623-4. OCLC 933722553. Geargiveer vanaf die oorspronklike op 30 Maart 2019. Besoek op 12 Desember 2017.
  4. ↑ Hembree, Wylie C; Cohen-Kettenis, Peggy T; Gooren, Louis; Hannema, Sabine E; Meyer, Walter J; Murad, M Hassan; Rosenthal, Stephen M; Safer, Joshua D; Tangpricha, Vin; T’Sjoen, Guy G (13 September 2017). "Endocrine Treatment of Gender-Dysphoric/Gender-Incongruent Persons: An Endocrine Society* Clinical Practice Guideline". The Journal of Clinical Endocrinology and Metabolism. 102 (11): 3869–3903. doi:10.1210/jc.2017-01658. ISSN 0021-972X. PMID 28945902. S2CID 3726467.
  5. ↑ Polly, Ryan; Nicole, Julie (Maart 2011). "Understanding transsexual patients: culturally sensitive care in emergency nursing practice". Advanced Emergency Nursing Journal. 33 (1): 55–64. doi:10.1097/TME.0b013e3182080ef4. PMID 21317698. S2CID 2481961. Geargiveer vanaf die oorspronklike op 11 Maart 2022. Besoek op 14 Mei 2022.
  6. ↑ A Swenson, Medical Care of the Transgender Patient, in Family Medicine (2014).
  7. ↑ "GLAAD Media Reference Guide – Transgender Terms". GLAAD. 22 Februarie 2022. Besoek op 4 Junie 2022.
  8. ↑ MacDonald, Trevor; Noel-Weiss, Joy; West, Diana; Walks, Michelle; Biener, MaryLynne; Kibbe, Alanna; Myler, Elizabeth (16 Mei 2016). "Transmasculine individuals' experiences with lactation, chestfeeding, and gender identity: a qualitative study". BMC Pregnancy and Childbirth. 16 (1): 106. doi:10.1186/s12884-016-0907-y. PMC 4867534. PMID 27183978.
  9. ↑ "Definition of transmasculine". Dictionary.com. Besoek op 8 September 2016.
  10. ↑ "GLAAD Media Reference Guide - Transgender Terms". GLAAD (in Engels). 22 Februarie 2022. Besoek op 26 Augustus 2022.
  11. ↑ Vartabedian Cabral, Julieta (2012). Geografía travesti: Cuerpos, sexualidad y migraciones de travestis brasileñas (Rio de Janeiro-Barcelona) (doctoral thesis) (in Spaans). Universitat de Barcelona. Besoek op 7 Mei 2020.
  12. ↑ Álvares Ferreira, Amanda (2018). "Queering the Debate: Analysing Prostitution Through Dissident Sexualities in Brazil" (PDF). Contexto Internacional. Rio de Janeiro: Instituto de Relações Internacionais. Pontifícia Universidade Católica do Rio de Janeiro. 40 (3): 525–546. doi:10.1590/s0102-8529.2018400300006. ISSN 0102-8529. S2CID 149579182. Besoek op 9 Junie 2021.
  13. ↑ "Lesbian, Gay, Bisexual and Transgender Health". Centers for Disease Control and Prevention. 18 Mei 2017. Geargiveer vanaf die oorspronklike op 18 Februarie 2021. Besoek op 27 Julie 2018.
  14. ↑ "Transgender FAQ". GLAAD. 2020. Geargiveer vanaf die oorspronklike op 7 April 2020. Besoek op 30 Junie 2020.
  15. ↑ "Injustice at Every Turn: A Report of the National Transgender Discrimination Survey" (PDF). National Center for Transgender Equality & National Gay and Lesbian Task Force. 21 Januarie 2015. p. 29. Geargiveer (PDF) vanaf die oorspronklike op 3 Augustus 2011. Besoek op 3 Julie 2012.
  16. ↑ 16,0 16,1 Elaut E, De Cuypere G, De Sutter P, Gijs L, Van Trotsenburg M, Heylens G, Kaufman JM, Rubens R, T'Sjoen G (Maart 2008). "Hypoactive sexual desire in transsexual women: prevalence and association with testosterone levels". European Journal of Endocrinology. 158 (3): 393–9. doi:10.1530/EJE-07-0511. PMID 18299474.
  17. ↑ Turna B, Apaydin E, Semerci B, Altay B, Cikili N, Nazli O (2005). "Women with low libido: correlation of decreased androgen levels with female sexual function index". International Journal of Impotence Research. 17 (2): 148–153. doi:10.1038/sj.ijir.3901294. PMID 15592425.
  18. ↑ Santoro N, Torrens J, Crawford S, Allsworth JE, Finkelstein JS, Gold EB, Korenman S, Lasley WL, Luborsky JL, McConnell D, Sowers MF, Weiss G (2005). "Correlates of circulating androgens in mid-life women: the Study of Women's Health Across the Nation". Journal of Clinical Endocrinology and Metabolism. 90 (8): 4836–4845. doi:10.1210/jc.2004-2063. PMID 15840738.
  19. ↑ DeCuypere G, T'Sjoen G, Beerten R, Selvaggi G, DeSutter P, Hoebeke P, Monstrey S, Vansteenwegen A, Rubens R (2005). "Sexual and physical health after sex reassignment surgery". Archives of Sexual Behavior. 34 (6): 679–690. doi:10.1007/s10508-005-7926-5. PMID 16362252. S2CID 42916543.

Skakels wysig

Ontsluit van "https://af.wikipedia.org/w/index.php?title=Trans_vrou&oldid=2563045"