Bumdeling-natuurlewereservaat
Die Bumdeling-natuurlewereservaat (ook Bumdelling gespel), wat die voormalige Kulong Chu-natuurlewereservaat bevat, is ’n beskermde gebied in Bhoetan. Dit beslaan ’n gebied van 1 520,61 km2 in Noordoos-Bhoetan en sluit die grootste deel van die Trashiyangtse-distrik in. Die reservaat is in 1995 beplan en in 1998 gevestig. Dit bevat uiteenlopende diere, plante en tonele, insluitende mere en die Bumdelingvallei. Die reservaat sluit ook verskeie kulturele en godsdienstige terreine in. Sowat 3 000 huishoudings woon in die park.[1][2]
| Bumdeling-natuurlewereservaat | ||
| Land |  Bhoetan
| |
| Distrikte | Lhuntse Mongar Trashiyangtse | |
| Rivier | Kulong Chu | |
| Hoogste punt | 6 000 m | |
| Laagste punt | 1 500 m | |
| Diere | Swartnekkraanvoël | |
| Datum | 1998 | |
| Beskermingstatus | ||
| Status | Ramsar-vleiland | |
| Amptelike naam | Bumdeling | |
| Datum aangewys | 5 Julie 2012 | |
| Verwysingsnommer | 2032 | |
BirdLife International het die reservaat as ’n belangrike voëlgebied aangewys omdat dit die swartnekkraanvoël bevat (dit is een van die land se oorwintergebiede), asook bossnippe en gryskoplangstertjies.[3] Dit is op Bhoetan se lys van tentatiewe Unesco-insluitings as wêrelderfenisgebied.
Verwysings
wysig- ↑ "Parks of Bhutan". Bhutan Trust Fund for Environmental Conservation online (in Engels). Bhutan-trustfonds. Geargiveer vanaf die oorspronklike op 17 Desember 2016. Besoek op 26 Maart 2011.
- ↑ "Bomdeling Wildlife Sanctuary". Himalaya 2000 aanlyn (in Zoeloe). Bhutan Travel Guide. Geargiveer vanaf die oorspronklike op 19 Oktober 2019. Besoek op 2 April 2011.
- ↑ "Bumdelling Wildlife Sanctuary". BirdLife data zone: Important Bird Areas (in Engels). BirdLife International. 2012. Geargiveer vanaf die oorspronklike op 6 Mei 2020. Besoek op 8 Desember 2012.
Eksterne skakels
wysig
Hierdie artikel is vertaal uit die Engelse Wikipedia
