Cannes-rolprentfees 1968
Die 21ste Cannes-rolprentfees sou van 10-24 Mei 1968 in Cannes, Frankryk, gehou word, maar is verkort weens die onrus van Mei 1968 in dié land.[1][2].
 Cannes-rolprentfees 1968
| ||
| Datum | 10-24 Mei 1968 | |
| Plek | Cannes, Frankryk | |
| Aanbieder | Grace Kelly | |
| Getal prente | 28 in kompetisie 11 kortprente | |
| Webtuiste | Cannes-rolprentfees | |
| Belangrike prente | ||
| Openingsfliek | Gone with the Wind | |
| Afsluitingsfliek | Rocky Road to Dublin (laaste prent wat vertoon is) | |
| Palme d'Or | Geen pryse toegeken | |
Die fees is geopen met die gerestoureerder weergawe van Gone with the Wind deur Victor Fleming[3] en sou op 17 Mei afgesluit word met Peter Lennon se dokumentêr Rocky Road to Dublin.[4][5] Net ná die eerste vertoning van laasgenoemde prent het Jean-Luc Godard, Claude Lelouch en François Truffaut op die verhoog verskyn en aangekondig die fees moet eindig in solidariteit met die werkers en studente wat dwarsoor Frankryk aan proteste deelneem.[6] Baie regisseurs het hulle prente aan die fees onttrek.[1] Die volgende dag, op 18 Mei, is die vertoning van Peppermint Frappé deur Carlos Saura gekanselleer, en dit het ’n oproerigheid in die gehoor veroorsaak onder mense wat wou hê die fees moes voortgaan.[7][8][9]
Eindelik is die fees op 19 Mei, vyf dae voordat dit sou eindig, afgestel. Die Amerikaanse aktrise en prinses van Monaco Grace Kelly was die aanbieder op die opening- en sluitingseremonie.[1] Van die 28 prente wat gekies is om om die Grand Prix du Festival International du Film mee te ding, is net 11 vertoon.
Verwysings
wysig- ↑ 1,0 1,1 1,2 "Flashback: Cannes 1968". variety.com (in Engels). Geargiveer vanaf die oorspronklike op 3 September 2019. Besoek op 25 Mei 2017.
- ↑ "1968 - Sous la plage, les pavés (Under the beach, the cobblestones)". cannes-fest.com (in Frans). Geargiveer vanaf die oorspronklike op 8 November 2019. Besoek op 3 Junie 2017.
- ↑ "The History of Cannes". RTÉ News (in Engels). 5 Mei 2013. Geargiveer vanaf die oorspronklike op 7 Julie 2018. Besoek op 25 Mei 2017.
- ↑ "Rocky Road to Dublin". leonardo.info (in Engels). Geargiveer vanaf die oorspronklike op 4 Maart 2016. Besoek op 25 Mei 2017.
- ↑ "Righteous Eire". frieze.com (in Engels). Geargiveer vanaf die oorspronklike op 1 Junie 2015.
- ↑ "Claude Lelouch, Jean-Luc Godard, and François Truffaut". sgtr.wordpress.com (in Engels). Geargiveer vanaf die oorspronklike op 3 September 2019. Besoek op 25 Mei 2017.
- ↑ "1968 Cannes fest revisited". canada.com /news (in Engels). Geargiveer vanaf die oorspronklike op 24 September 2015.
- ↑ "Cannes 1968: Fighting on the Beaches". focusfeatures.com (in Engels). Geargiveer vanaf die oorspronklike op 30 November 2016.
- ↑ "Cannes 1968". sgtr.wordpress.com (in Engels). Geargiveer vanaf die oorspronklike op 3 September 2019. Besoek op 25 Mei 2017.
Eksterne skakels
wysig- Fees se amptelike webtuiste
Hierdie artikel is vertaal uit die Engelse Wikipedia
