Bosdoringklipels

Die bosdoringklipels of bokdrol (Canthium inerme) is 'n algemene, klein tot middelgroot boom wat voorkom vanaf Kaapstad tot in die Lebomboberge van Mpumalanga en Eswatini. Dit is ook inheems in Mosambiek en Zimbabwe. Die boom groei in kusstruikbos en woude.

Bosdoringklipels
'n Bosdoringklipels in Kaapstad.
Bewaringstatus
Veilig  (IUCN 3.1)
Wetenskaplike klassifikasie
Koninkryk:	Plantae
(geen rang):	Angiospermae
(geen rang):	Eudicots
(geen rang):	Asterids
Orde:	Gentianales
Familie:	Rubiaceae
Subfamilie:	Ixoroideae
Tribus:	Vanguerieae
Genus:	Canthium
Spesie:	C. inerme
Binomiale naam
Canthium inerme (L.f.) Kuntze, (1898)
Sinonieme
Plectronia swynnertonii (S.Moore) Eyles Canthium swynnertonii S.Moore Canthium thunbergianum Cham. & Schltdl. Lycioserissa capensis (Thunb.) Roem. & Schult. Lycium inerme L.f. Serissa capensis Thunb.

In woude waar die noodsaak bestaan om opwaarts te groei om die sonlig te bereik, kan hierdie boom tot 14 m hoog word, maar dit is gewoonlik tussen 3 en 7 m. Dit kan verskeie stamme hê. 'n Jong stam is glad en liggrys van kleur, later kan dit growwer en donkerder word. Die takke vorm teenoorgestelde pare wat regte hoeke met mekaar maak. Die takke dra dikwels stewige dorings wat 7 –8 cm lank kan word. Die blare is glansend, liggroen en haarloos, hulle het 'n sagte, leeragtige tekstuur. Die blare is dof aan die onderkant. Hulle is teenoorgesteld geplaas en het 'n elliptiese vorm en is 2,5-10,0 x 1-4,5 cm groot. Dit kry roomkleurige tot geelgroen blommetjies in digte okselstandige trosse tot 3 cm in deursnee.

Canthium coromandelicum in Indië.

Sien ook

• Alfabetiese lys van Suid-Afrikaanse bome

Bronne

• Watter Boom is dit? Eugene Moll 2013 ISBN 978 1 77007 832 1
• REDLIST Sanbi
• Plants of the World Online

Eksterne skakels

• Wikimedia Commons het meer media in die kategorie Bosdoringklipels.
• Wikispecies het meer inligting verwant aan Bosdoringklipels